Veraldlegt frjálslyndi gegn múslímatrú

Þrætur í bandarísku sjónvarpi um múhameðstrú minna á samhengi trúar, menningar og pólitískra yfirráða.

Vesturlönd eru trúlaus í þeirri merkingu að trú er fyrir löngu úthýst úr umræðunni um veraldlegt vald. Í stað trúar komu kennisetningar um mannréttindi og lýðræði. Veraldlegt frjálslyndi virðist á hinn bóginn illa standast snúning sannfæringarhita ágengrar trúar eins og þeirrar múslímsku.

Veraldlegt frjálslyndi verður til á vesturlöndum í kjölfar tveggja byltinga í lok 18. aldar, í Bandaríkjunum og Frakklandi. Veraldlegt frjálslyndi sigraði kristnina með því að gera trú að einkamáli hvers og eins. Nærfellt alla síðustu öld var veraldlegu frjálslyndi haldið við efnið í hugmyndafræðilegri baráttu við aðrar veraldlegar kennisetningar, s.s. nasisma og kommúnisma. 

Efnahagslegur vöxtur vesturlanda frá iðnbyltingunni átti sinn þátt í að bera vestræna frjálslyndið fram til sigurs. Á síðustu áratugum höktir þessi vöxtur og er ekki eins sannfærandi og áður.

Eftir fall Berlínarmúrsins átti veraldlega frjálslyndið sviðið án samkeppni í skamma stund. Í byrjun aldar skoruðu herskáir múslímar vestræna frjálslyndið á hólm með alræmdum árásum í New York og London. 

Herskáir múslímar eiga sér einfalt markmið, að beygja vesturlönd undir trú Múhameðs spámanns. Þótt vesturlönd séu enn moldrík og búi að margfalt meiri hernaðarmætti en múslímar þá gengur baráttan ekkert alltof vel hjá veraldlega frjálslyndinu. Trúarsannfæringin má sín meira en orðræðan um mannréttindi og lýðræði.

Ben Affleck og Bill Maher hnakkrifust um íslam

Athugasemdir

[Þorgeir Ragnarsson, 6.10.2014 kl. 11:03]

Mainstream stjórnmálamenn á Vesturlöndum þverskallast við að viðurkenna að meginvopn í baráttunni gegn þessum ófögnuði gæti verið skynsamleg innflytjendastefna.