Göngum í Evrópusambandið...

...til að auðvelda verðsamanburð.

Fulltrúar Samfylkingar: Full yfirráð auk veiðiheimilda annars staðar

Athugasemdir

[Arnar (IP-tala skráð) 13.3.2007 kl. 19:43]

Þessi framsetning þín er nú varla sanngjarnari en síðasta færsla. Hófst ekki þessi tilvitnaða málsgrein um verðsamanburðinn á "auk þess"?

Mér finnst eins og þú sért búinn að yfirfæra viðhorf þín til Baugs á Samfylkinguna svo hlálegt sem það nú er.

Arn

[GG (IP-tala skráð) 13.3.2007 kl. 20:16]

Þessi röksemdafærla Samfylkingarinnar er fantasía eins og flest annað hjá þeim flokki. 

"...reglur um tillit til sögulegrar veiðireynslu, efnahagsleg tengsl útgerðaraðila við það landsvæði sem liggur að umræddu hafsvæði og eftirlit aðildarríkja með sinni lögsögu myndu tryggja forræði Íslendinga yfir fiskimiðunum við Ísland..." 

Þetta er dæmalaus þvæla. Aðrir, t.d. Bretar, geta sagt það sama en það skiptir nákvæmlega engu máli. Þetta snýst allt um hrossakaup og hver getur sett mesta pressuna á fyrir sína útgerðarmenn - og það verða ekki við. Þetta með "harðsnúna samningamenn" Íslendinga setur svo punktinn yfir i-ið í óskhyggjuþvælinu. Það er ekkert skrýtið að Samfylkingin sé rúin trausti þegar fólk þarf að hlust á svona vitleysu. Það segir sína sögu að fólk sé að flýja frá þeim yfir til öfgaflokks með stefnuskrá upp úr 1984 og Sóleyju Tómasdóttur í forsvari.

[Arnar (IP-tala skráð) 15.3.2007 kl. 23:14]

Dæmalaus "þvæla" er þetta GG! Röksemdafærslan byggir á skýrslu Evrópustefnunefndarinnar og snýst um það sem kallað er "reglan um hlutfallslegan stöðugleika" og er hornsteinn sjávarútvegsstefnu ESB. Viltu ekki lesa eins og eina til tvær blaðsíður af gögnum málsins áður en þú opinberar víðtækan skort þinn á vanþekkingarleysi. Nokkrar tilvitnanir í skýrsluna þér til glöggvunar:

"Ráðherraráðið skiptir hámarksaflanum á milli aðildarríkjanna á grundvelli meginreglunnar um hlutfallslegan stöðugleika, en aðildarríkjunum er í sjálfsvald sett hvernig þau ráðstafa sínum aflaheimildum. Þótt aðildarríki veiði ekki allan þann kvóta sem það hefur fengið úthlutaðan frá ráðherraráðinu hafa önnur ríki ekki rétt á því að veiða það sem upp á vantar.

Meginreglan um hlutfallslegan stöðugleika er einn af hornsteinum sameiginlegu sjávarútvegsstefnunnar. Í reglunni felst að veiðiheimildum er úthlutað til aðildarríkjanna með þeim hætti að hverju aðildarríki séu tryggðar hlutfallslega stöðugar veiðar úr hverjum stofni eða fyrir hverjar veiðar miðað við sögulega veiðireynslu þeirra og þarfir svæða sem sérstaklega eru háð fiskveiðum.

[...]

Á fundinum kom einnig fram að hlutfallslegur stöðugleiki miðaðist við hlutdeild aðildarríkja í kvótum en ekki magn og breytingar á stofnstærðum hefðu því ekki áhrif á hlutfallslega hlutdeild einstakra ríkja í viðkomandi stofnum. Hefði Ísland til að mynda 100% hlutdeild í einhverjum stofnum myndi slíkt haldast hvort sem stærð viðkomandi fiskistofna minnkaði eða stækkaði.

[...]

Þar kom fram að gengi Ísland í ESB myndi söguleg veiðireynsla verða miðuð við nýlegt tímabil sem gæfi eðlilega mynd af veiðum á viðkomandi stofnum undanfarin ár (recent and representative period). Ekki væri um eitthvað eitt viðmið um tíma að ræða heldur tæki tímalengdin sem miðað væri við mið af aðstæðum. Í aðildarsamningnum við Noreg hefði t.d. verið miðað við 1-10 ára tímabil eftir svæðum og tegund fiskistofna, en tímabilið sem miðað væri við þyrfti hins vegar að vera samþykkt af báðum samningsaðilum.

Það kom fram á fundinum að ekki væri lengur tekið tillit til kröfu aðildarríkja um bætur vegna tapaðra aflaheimilda við útfærslu efnahagslögsögunnar í 200 mílur, eins og gert var upphaflega. Þetta viðhorf hefur verið staðfest af öðrum sem nefndin hefur rætt við, m.a. sendiherra Danmerkur hjá ESB, sem hefur mikla reynslu af samningagerð á þessu sviði.

[...]

Við aðild að ESB yrði Ísland aðili að samningum ESB við önnur ríki og svæðisbundin samtök og fiskveiðisamningar okkar myndu renna saman við samninga ESB, en vegna reglunnar um hlutfallslegan stöðugleika og sögulegrar veiðireynslu ætti það hins vegar ekki að hafa áhrif á aflahlutdeild Íslands samkvæmt þessum samningum."