Leifur, Kólumbus og Polo

Sögulegar staðreyndir eru kúnstugar. Lengi var Kristófer Kólumbus talinn fyrstur Evrópumanna til að stíga fæti á Ameríku. Íslendingar áttu ritaðar frásagnir, Eiríks sögu rauða og Grænlendingasögu, er greindu frá meginlandi vestan Grænlands þar sem þeir Leifur heppni Eiríksson og Bjarni Herjólfsson römbuðu á fyrir tilviljun á tíundu öld.

Fornleifafundur á L'Anse aux Meadows á Nýfundnalandi á sjöunda áratug síðustu aldar staðfesti búsetu norrænna manna á meginlandi Ameríku um 500 árum fyrir för Kólumbusar. Staðurinn er kominn á heimsminjaskrá Sameinuðu þjóðanna og ætti sem slíkur að vera kunnur þeim sem fjalla um ,,fund" Evrópumanna á Ameríku.

En nei, nú er rætt um hvort Maro Polo sé fyrsti Evrópumaðurinn í henni Ameríku án nokkurrar vísunar í norrænu landkönnuðina. Klént.

Athugasemdir

[Wilhelm Emilsson, 28.9.2014 kl. 21:10]

Það er talið að norrænir menn hafi komið til Norður-Ameríku um aldamótin 1000, ekki satt? Hvorki Leifur né Bjarni voru fæddir á níundu öld.

[Páll Vilhjálmsson, 29.9.2014 kl. 08:00]

Á tíundu öld, átti þetta að vera. Takk fyrir leiðréttinguna, Wilhelm.

[Wilhelm Emilsson, 29.9.2014 kl. 08:06]

Ekkert mál, Páll.

[Predikarinn - Cacoethes scribendi , 29.9.2014 kl. 11:41]

Kæri Páll.

Það væri nú gustuk að einhver fræðimanna þessa lands, til dæmis á Árnastofnun eða aðrir slíkir, sendu um þetta línu til blaðamanna vestra til u pplýsinga. Clinton stofnaði Leif Eriksso's day ef ég man rétt til minningar um þennan fund Ameríku.