Tyrkjaránið, hvítur þrældómur og rétt sagnfræði

Þann 16. júlí 1627 gerðu múslímskir sjóræningjar frá Alsír strandhögg í Vestmannaeyjum til að sækja þræla og lausafé. Atburðurinn fékk nafnið Tyrkjaránið enda framinn af þegnum soldánsins í Tyrklandi.

Alls voru 242 Eyjamenn hnepptir í þrældóm. Evrópa var á þessum tíma í miðju 30 ára stríði þar sem mótmælendur og kaþólikkar murkuðu líftóruna hvor úr hinum. Í sundurþykkri Evrópu áttu múslímar sóknarfæri.

Í bók um herleiðangra múslíma, Christian Slaves, Muslim Masters: White Slavery in the Mediterranean, the Barbary Coast, and Italy, 1500-1800, er leitt að því líkum að um ein milljón Evrópubúa hafi hlotið sambærileg örlög og Eyjamennirnir fyrir tæpum 400 árum. Þetta er all nokkur tala, t.d. í samanburði við að 12 milljónir Afríkubúa voru fluttir sem þrælar vestur um haf.

Í ritdómi um bókina segir að ein ástæða fyrir því að ekki sé talað hátt um þrælahald múslíma á hvítum sé sú hún gangi í berhögg við ráðandi sagnfræði. Evrópumenn eru skrifaðir í söguna sem nýlenduherrar en Afríkumenn þrælar. Frásagnir af hvítum þrælum undir oki afrískra múslíma rímar ekki við ,,rétta sagnfræði."

Kynþáttafordómar eru í ýmsum útgáfum.

Athugasemdir

[Sigurgeir Jónsson, 23.7.2014 kl. 02:49]

Þeir sem komu að" tyrkjaráninu" og frömdu það voru sjóræningar.Þar voru ekki eingöngu muslimar á ferð.Evrópumenn skipulögðu ránið,þótt salan á fóllkinu færi fram í Alsír.

[Sigurgeir Jónsson, 23.7.2014 kl. 03:25]

Engar alvöru rannsóknir hafa farið fram á "tyrkjaráninu" svokallaða.Eftir því sem menn hafa komist næst, var skipstjórinn hollendingur sem hafði íslenskan leiðsögumann.