Þrír fangar við Gettysburg

Í þessum mánuði fyrir hálfri annarri öld og árinu betur var háð orusta við Gettysburg í Pennsylvaníu í Bandaríkjunum. Orustan var liður í uppgjöri landshlutanna, norður og suður, um það hvort Bandaríkin skyldu ein og óskipt eða að einstök ríki mættu segja sig úr sambandinu.

Um fimmtíu þúsund ungir menn dóu, særðust, týndust eða voru teknir til fanga í þriggja daga vopnaskaki. Hálfu ári síðar flutti forseti Bandaríkjanna, Lincoln,  272-orða ávarp á vígvellinum er þykir með þeim merkari á enskri tungu.

Suðurríkjamenn fóru halloka í Gettysburg. Ljósmynd af þrem suðurríkjaföngum eftir orustuna er sérstök fyrir þær sakir að hún sýnir ekki bugaða menn heldur stríðsglaða spjátrunga.

Athugasemdir

[Elle_, 22.7.2014 kl. 00:04]

Já Páll, sumir eru ófriðarfólk í eðlinu eða af hatri eða óskýrðum orsökum.  Stríðsfólk sem bara verður að rústa lífi, landi, ríkissjóði, skipulagi, stjórnarskrá.  1 Jóhanna, 1 Steingrímur, í stjórn lands getur verið stórskaði.

[Predikarinn - Cacoethes scribendi , 22.7.2014 kl. 00:11]

Sæll kæri Páll.

Þessi ræða Lincolns mun væntanlega aldrei gleymast, sem betur fer. Margir reyna þó að horfa fram hja henni og boðskap hennar eins og dæmin sanna.