Landafræði og saga trompa stjórnmál

Á síðustu 100 árum eru öll ríki á meginlandi Evrópu búin að gera innrás í nágrannaríki, orðið fyrir innrás eða byltingu - oft var allt þrennt hlutskipti Evrópuríkis á meginlandinu. Í því ljósi er skiljanlegt fylgi við yfirþjóðlegar stofnanir, eins og Evrópusambandið, á meginlandinu.

Bretaland á hinn bóginn er eyja sem varð síðast fyrir innrás fyrir þúsund árum, í lok víkingaaldar þegar afkomendur Göngu-Hrólfs í Normandí gerðust herrar Englands undir forystu Vilhjálms sigurvegara.

Bretar líta á meginland Evrópu sem uppsprettu ásækins valdboðs, fyrst konungar Spánar og Frakklands síðar Napoleón, þá Hitler og núna Evrópusambandið.

Á þess leið er greining dálkahöfundarins Bruce Andersson á stöðu Bretlands í Evrópusambandinu. Greiningin er ein af mörgum sem útskýrir það sem margir telja óhjákvæmilegt; að Bretland sé á leiðinni úr Evrópusambandinu.

Ef Bretland á litla samleið með Evrópusambandinu sökum landafræði og sögu þá er Ísland enn fjær því að eiga erindi inn í félagsskap meginlandsríkjanna.

Athugasemdir

[Predikarinn - Cacoethes scribendi , 29.6.2014 kl. 19:00]

Heyr heyr !

[Ómar Ragnarsson, 29.6.2014 kl. 22:39]

Inn hvaða ríki réðist Sviss á síðustu öld?

Hvað um yfirgang Breta gagnvart Írum á öðrum áratugnum?

Hvað um sendingu Breta á milljónum hermanna til ríkja á meginlandinu í tveimur heimsstyrjöldum, til Frakklands, Beneluxlandanna, Þýskalands, Grikklands, Ítalíu og Tyrklands?

[Wilhelm Emilsson, 29.6.2014 kl. 23:03]

Hvað sem fólki finnst um ESB, þá er saga Bretlands er auðvitað samofin sögu meginlands Evrópu. Páll minnist á Spánarkonung. Hann sendi flota til að gera innrás í England 1588. Danir herjuðu á Bretland 1069-70. Svo eru menn varla búnir að gleyma sprengjuárásum Þjóðverja á Bretland í síðari heimstyrjöld.

[Helga Kristjánsdóttir, 30.6.2014 kl. 01:11]

Páll er að vísa til greiningu Bruce Andersson,s,sem finnst skiljanlegt fylgi meginlands-ríkja Evrópu við yfirþjóðlegar stofnanir eins og ESB eftir stöðug átök hvort við annað seinustu 100,ár. -- Er þetta sambærilegt Ómar og Wilhelm. Þótt Sviss sé undanskilið eru það öll hin,enda er Sviss ekki fullgildur aðili að Esb. muni ég rétt. Wilhelm þú ert ekki með drengur. Það sem gerðist 1588- 1069-70,er nokkrum öldum áður. Sprengjuárásir á England lýsir einmitt því sem kemur fram i pistlinum,að uppspretta ásælnis og valdagræðgi kemur frá meginlandinu.Þar fengu Bretar að kenna á því að samningar halda ekki,þegar samið er við grægðina,minnir að forsætisráðherra (Chamberlain?) hafi hróðugur haldið á lofti friðarsamningi,sem hélt ekki. Varla verðskulduðu þeir sprengjuárásir Þjóðverja.

[Wilhelm Emilsson, 30.6.2014 kl. 01:47]

Helga, lestu grein Páls betur. Hann segir: „Bretaland á hinn bóginn er eyja sem varð síðast fyrir innrás fyrir þúsund árum, í lok víkingaaldar þegar afkomendur Göngu-Hrólfs í Normandí gerðust herrar Englands undir forystu Vilhjálms sigurvegara." Þetta gerðist 1066. Páll er ekki bara að tala um síðustu 100 ár. Það sem gerðist 1069-70 og 1588 skiptir því máli. Ég er bara að benda á sögulegar staðreyndir og leiðrétta staðhæfingu hans.

Þú segir: „Sprengjuárásir á England lýsir einmitt því sem kemur fram i pistlinum,að uppspretta ásælnis og valdagræðgi kemur frá meginlandinu." Bretland var heimsveldi þegar síðari heimstyrjöldin hófs, þannig að ásælni og valdagræðgi kemur ekki bara frá meginlandinu.

Það er enginn að halda því fram að Bretar hafi verðskuldað sprengjuárásir Þjóðverja. Ég er að benda á að þó að Bretland hafi ekki orðið fyrir innrás í síðari heimstyrjöld--Þjóðverjar voru með áætlun um það, Operation Sea Lion, en hrintu henni aldrei í framkvæmd--þá urðu þeir fyrir sprengjuárárásum, sem þeir gleyma seint.

Punkturinn hjá mér er að saga Bretlands og meginlands Evrópu er samofin.

[Helga Kristjánsdóttir, 30.6.2014 kl. 02:38]

..... Samofin og réttlætir sam-band,svona rétt eins og “rugla saman reitum”??

[Wilhelm Emilsson, 30.6.2014 kl. 02:57]

Nei, nei, alls ekki, Helga :) Ég er ekkert að staðhæfa um hvort Bretland, eða Ísland, eigi að vera í ESB. Ég er bara að fjalla um söguna.

[Helga Kristjánsdóttir, 30.6.2014 kl. 03:05]

Gott! Þá erum við á umræðustiginu. Svei mér ef sagan er ekki orðin þannig að ekkert eftir af hluttekningu,vegna stríðsins,einhversstaðar segir máltæki;”Gott eiga þeir sem gleyma”. Góða nótt drengur minn.

[Wilhelm Emilsson, 30.6.2014 kl. 03:57]

Góða nótt!