Múslímavædd Reykjavík í boði Samfylkingar

Formaður félags múslíma þakkar Samfylkingunni að úthluta lóð undir mosku við þjóðbraut. Í viðtali við RÚV segir formaðurinn að moskan með 9 metra háum bænaturni verði kennileiti höfuðborgarinnar. Staðsetning moskunnar segir að múslímar séu þjóðfélagslegt afl á Íslandi.

Formaðurinn tekur ekki fram að moskan verði eingöngu fyrir karla enda skipa konur óæðri sess í trú múslíma. Konur í kjósendahópi Samfylkingar hljóta að fyllast lotningu yfir níu metra háu reðurtákni í Sogamýri sem allir vegfarendur um Miklubraut fá njóta.

Ekkert framboðanna í Reykjavík þorir að andmæla því skipulagslega og menningarlega stórslysi sem felst í gera mosku að kennileiti höfuðborgarinnar. Tök Samfylkingarinnar á umræðunni eru slík að sérhver sem vogar sér að andmæla er óðara stimplaður rasisti eða eitthvað þaðan af verra.

Nei, annars, það er eitt framboð í Reykjavík sem þorir að andmæla: Framsóknarflokkurinn er kletturinn gegn skoðanakúgun samfylkingarfólks.

 

Athugasemdir

[Skeggi Skaftason, 30.5.2014 kl. 13:00]

Bænaturn = reðurtákn??

Þú hlýtur að vera með kynlíf á heilanum Páll. Hvað hugsaðru þegar þú gengur fram hjá Hallgrímskirkju?

Ert þú ekki bara sjálfur gangandi reðurtákn? Þú ert aflangur í laginu, alveg eins og typpi með standpínu. Svona ef við förum í það að líkja öllu aflöngu við typpi.

9 metra hár turn (jafn hár þriggja hæða húsi) mun varla sjálst fyrir aspartrjánum þarna á lóðinni sem eru snöggtum hærri. Byggingin sjálf verður einnar hæðar. Til samanburðar þá er turn Hallgrímskirkju 74 metra hár.

Hvaðan hefurðu það að moskan verð "eingöngu fyrir karlmenn"? Er þetta ekki bara bull og vitleysa eins og flest það sem þú skrifar hér.

[Jóhannes Ragnarsson, 30.5.2014 kl. 13:53]

Merkilegt að fólk skuli gera Framsókn það til geðs að láta síðustu dagana fyrir borgarstjórnarkosningarnar ganga útá fáránlegt argaþras um mosku- og múslímakjaftæði.

[Ómar Gíslason, 30.5.2014 kl. 13:56]

Hvað þarf 220 manna trúsamfélag, eins og múslímar hér á landi, mörg bænahús? Nú þegar eru þeir með tvö!

[Ómar Gíslason, 30.5.2014 kl. 14:14]

Það sem merkilegast er að þeir sem byggja sér hús þurfa að greiða fyrir að fá að byggja, en ef þú byggir eitthvað trúhús þá er ekkert greitt til borgarinnar.

Það eiga allir að greiða gjald til borgarinnar sama hvað húsið heitir.

[Skeggi Skaftason, 30.5.2014 kl. 14:25]

Ómar,

Ef Sveinbjörg vill breyta lögum í landinu sem kveða á um akkúrat þetta þá eru hæg heimatökin, það er HENNAR EIGIN FLOKKUR sem stjórnar landinu!

[Skeggi Skaftason, 30.5.2014 kl. 15:32]

Það eru raunar 481 félagi skráður í Félagi múslima. Félagið leigir eins og er húsnæði í Ármúla.

[Jóhann Elíasson, 30.5.2014 kl. 17:09]

Skeggi, eru einhver lög sem segja til um það að trúfélög eigi að fá fríar lóðir og frí frá öllum gjöldum ????????

[Jón Þórhallsson, 30.5.2014 kl. 18:07]

Landið mun verða hertekið innanfrá; eins og kína hertekur Tíbet og Afríku;

NEMA að fólk mæli með flokkum sem eru tilbúnir að spyrna við fótum:

http://thjodarskutan.blog.is/blog/thjodarskutan/entry/1391968/

[Loncexter, 30.5.2014 kl. 18:10]

Þetta er mjög furðulegt mál. Fólk sem hefur barist fyrir réttindum kvenna og samkynhneigðra vill allt í einu berjast fyrir því að menning sem hamlar framgangi þessara hópa, fái fótfestu hér ! Hvaða rugl er eiginlega í gangi ?

[Ómar Ragnarsson, 30.5.2014 kl. 20:26]

Hvenig getur söfnuður með 220 meðlimi "hertekið landið innanfrá"?

Í tæpa hálfa öld, allt til 1970 var eitt aðalkennileiti borgarinnar, sem sást um allan sunnanverðan Faxaflóa, Landakotskirkja með turn sem náði 52 metrum yfir sjó. Ekki þjóðkirkja heldur kaþólsk kirkja.

Eftir 1970 hefur þetta verið Hallgrímskirkja, sem teygir sig upp í 112 metra yfir sjó.

Hvernig getu 9 metra 

[Snæbjörn Björnsson Birnir, 31.5.2014 kl. 03:22]

Ég les nú bara kynferðislega "frustrasjón" úr þessu hjá Páli.