Icelandair er of stórt félag

Icelandair er of stórt félag í flugsamgöngum Íslands og í ferðaþjónustunni hér á landi. Félagið var í höndum útrásarmanna sem skiluðu skemmdum innviðum eins og viðvarandi deilum hálaunafólks fyrirtækisins.

Eftir því sem erlendum flugfélögum fjölgar sem fljúga hingað til lands eykst samkeppnin og minni þörf verður fyrir Icelandair.

Stundum verða óþurftaverk til þarfa. Yfirvinnubann flugmanna Icelandair tálgar flugfélagið niður og er það til bóta.

 

Flybe flýgur allt árið til Íslands

Athugasemdir

[Aztec, 20.5.2014 kl. 17:50]

Þetta er mikið rétt. Réttast væri að þetta óþurftarfélag, Icelandair, færi í gjaldþrot. Síðan þarf að reka stjórn Isavia eins og hún leggur sig fyrir að hygla þessum ófögnuði og þar með hindra frjálsa samkeppni.

[Þór Örn Víkingsson, 22.5.2014 kl. 00:50]

Hvernig væri nú að kvótakerfi væri innleitt í flugsamgöngur? Eftirspurn eftir flugi til og frá Íslandi kemur jú ekki að sjálfu sér. Hún er auðlind sem þarf að standa vörð um og rækta.

Taka mætti flugfarþegaflutningareynslu síðustu þriggja ára og útdeila farþegakvótum til viðkomandi fyrirtækja. Ekki þyrfti að skipta máli þó þessi fyrirtæki hefðu hætt flugrekstri, eða rekstri yfirhöfuð.

Þegar reiknimeistarar ríkisins hefðu lokið sinni vinnu vissum við hversu marga flugfarþega hvert fyrirtæki mætti flytja á hverju flugfarþegaflutningsári. Stæði þannig á mættu leyfisnjótandi fyrirtæki leigja frá sér farþegakvótann til annarra fyrirtækja á markaðsvirði. Ekki þyrfti að skipta máli hvort leigutakinn hefði nokkra reynslu af farþegaflutningum.

Handhafar farþegaflutningskvóta mættu alveg selja frá sér flutningaleyfi og/eða telja þær fram sem eignir á efnahagsreikningi. Jafnvel þó stjórnarskrá viðkomandi lýðveldis teldi að flugfarþegaflutningaauðlindin væri einhverskonar sameign þjóðarinnar.

Að líkindum er þetta þjóðráð, því ekki viljum við að flugfarþegaflutningafyrirtæki taki upp á því að eyðileggja túristaauðlindina með því að neyða atvinnulausa Breta og hælisleitandi flökkukindur allraþjóða til að heimsækja Ísland og eyða engu en borða bara nestið sitt?