Vinstriflokkarnir í vasa elítunnar

Vinstriflokkarnir tala ekki máli almennings heldur elítuhópa í háskólum og fyrirtækjum. Helsta áhugamál vinstriflokkanna, að koma Íslandi inn í Evrópusambandið, er hjartans mál hálaunamanna hjá hinu opinbera og í fyrirtækjum enda opnast greið leið fyrir þá til kjötkatlanna í Brussel.

Viðskilnaður vinstriflokkanna við alþýðu manna sést vel þessa dagana þegar vinnudeilur og verkföll eru víða í samfélaginu. Vinstriflokkarnir melda pass í þeirri umræðu; þeir hafa ekkert að segja enda hugur þeirra bundinn við áhugamál elítunnar.

Vinstriflokkarnir eru svo heillum horfnir að þegar ríkisstjórnin leggur fram tillögur um skuldaleiðréttingu heimilanna þá þæfa þingmenn Samfylkingar, VG og Bjartrar framtíða málið og finna því allt til foráttu.

Vinstriflokkarnir eru ekki í tengslum við launafólk - aðeins elítuna.

Fyrir fólk sem litar sjálft á sér hárið

Athugasemdir

[Bjarni Jons, 9.4.2014 kl. 12:34]

Eitthvað annað en t.d. Sjálfstæðis of Framsóknarflokkur sem eru ekki í tengslum við neina elítu, þeirr fólk er almúginn sem minnst á.. Kanntu annan?

[Baldinn, 9.4.2014 kl. 14:56]

Páll blaðamaður.  Á einhver að taka þig alvarlega eða ertu kanski bara að fíflast í okkur.

[Guðmundur Ásgeirsson, 9.4.2014 kl. 15:21]

Getur verið að vinstriflokkarnir séu kannski að gagnrýna útfærslu Tryggva Þórs Herbertssonar á kosningaloforðum Framsóknarflokksins og Sjálfstæðisflokksins vegna þess að útfærslan sé kannski... tja, léleg? Getur það hugsast?

[Jóhannes Ragnarsson, 9.4.2014 kl. 20:01]

Stjórnarandstöðuflokkarnir eru ekki vinstri sinnaðir fyrir fimmaura. Þetta eru hægri flokkar og þeir vilja vera hægri flokkar. Hinsvegar telja þeir skyldu sína að láta kalla sig vintri eitthvað til að tryggja sér atkvæði vinstrisinna og þeirra sem halda að þeir séu til vinstri.

Það er óþolandi hræsni og blekking klíkurnar sem ganga undir nöfnunum VG, Samfylking, Björt framtíð og Píratar láti sér vel líka að vera álitnar vinstri flokkar. Og það er jafn óþolandi að flólk skuli gera þessum stórvinum kapítalismans til geðs að bendla þá við við vinstristefnu, jafnevel sósíalisma. Þessari ruglandi verður að linna og kalla þessi apparöt réttum nöfnum þegar þau eru skilgreind út frá raunverulegum grundvallaratriðum um vinstri og hægri pólitík.