Spunaskýrsla ESB-sinna: Ísland í samanburði við Tyrkland

ESB-sinnar á Íslandi gera út á heimsku fólks og það sést glöggt á skýrslu ESB-stofnunar HÍ, afsakið Alþjóðastofnunar HÍ, sem segir Ísland hafa verið á góðu skriði í aðlögunarviðræðum við Brussel - í samanburði við Tyrkland.

Tyrkland sótti fyrst um aðild að ESB um snemma á sjöunda áratug síðustu aldar. Þeir eru í eilífri biðstöðu Brusselvaldsins einmitt vegna þess að stórþjóðir eins og Frakkland og Þýskaland vilja ekki Tyrkland inn í sambandið. Tyrkland mun enn bíða í áratugi eftir inngöngu í ESB.

En aðlögunarviðræður ESB við Ísland gengu sem sagt betur en við Tyrkland. Og okkur á að þykja það merkilegt.

Höfðu þegar náð fram sérlausnum

Athugasemdir

[Hrafn Arnarson, 7.4.2014 kl. 10:35]

Allir viðmælendur skýrsluhöfunda voru sammála um að aðildarviðræður Íslands hafi gengið hratt og vel

fyrir sig, sér í lagi í samanburði við núverandi umsóknarríki sem eru fjögur, þ.e. Makedónía (fyrrverandi

lýðveldi Júgóslavíu), Serbía, Svartfjallaland og Tyrkland. Aðlögun Íslands að löggjöf ESB í gegnum

EES-samninginn og sú stjórnsýslulega geta sem kemur með EES-aðildinni liðkaði fyrir viðræðunum.

Viðmælendur voru meðvitaðir um að íslensk stjórnvöld hefðu viljað að viðræðurnar gengju hraðar fyrir

sig en það voru einkum fimm áhrifaþættir sem hægðu á ferlinu. Í fyrsta lagi þyngdist aðildarferlið til

muna í kjölfar stækkunarlotu ESB árin 2004 og 2007 þar sem meðal annars rýniferli kom til sögunnar

sem aðfari að aðildarviðræðum. Í öðru lagi voru þetta miklir átakatímar í fjármálalífi bæði Íslands og ESB

sem hægðu á ákveðnum samningsþáttum. Í þriðja lagi hægði samstöðuleysi innan ríkisstjórnarinnar

á ferlinu. Í fjórða lagi olli ákvörðun íslenskra stjórnvalda í byrjun árs 2013 um að setja viðræðurnar í

„hægagang“ í aðdraganda þingkosninga óvissu hjá ESB um áframhald aðildarviðræðna. Í fimmta lagi olli

makríldeilan því að ekki tókst að opna kaflann um sjávarútveg áður en hlé var gert á aðildarviðræðunum.

[Predikarinn - Cacoethes scribendi , 7.4.2014 kl. 13:09]

Hrafn.

Jón Bjarnason sjávarútvegs og landbúnaðarráðherra lagði sem slíkur fram markmið Íslands í fiskveiðimálum fyrir Evrópusambandið í gegn um aðlögunarnefndina og voru þau markmið í samræmi við þingsályktun Alþingis þar um ! Þetta hefur Jón staðfest í einum þremur greinum og pistlum undanfarnar vikur. Svör Evrópusambandsins voru löngu fyrirséð, en í stuttu máli voru þau á þann veg að þegar þeir höfðu lesið þetta frá sjávarútvegsráðuneytinu þá sagði ESB að það myndi ekki hefja aðlögunarviðræður um sjávarútvegsmál fyrr en Ísland myndi fyrirfram falla frá kröfum Alþingis í fiskveiðimálum og staðfesta að Ísland myndi ganga 100% inn í fiskveiðistefnu ESB, að undanskyldu að einhver lítill tími yrði gefinn til aðlögunar þar.

Þetta er í samræmi við sérstaka ályktun ráðherraráðs Evrópusambandsins í desember 2012 :

.

„Ráðherraráð Evrópusambandsins ítrekar að Ísland verði að samþykkja og innleiða allan lagabálk Evrópusambandsins við mögulega inngöngu í sambandið.“

http://eyjan.pressan.is/frettir/2012/12/12/radherrarad-esb-adildarvidraedur-ganga-vel-en-island-tharf-ad-samthykkja-allan-lagabalk-esb/

.

Þetta er jafnframt í samræmi við lesefni á heimasíðu Evrópusambandsins sem þér Hrannar og öðrum slíkum hefur yfirsést ávallt að lesa. Evrópusambandið, ólíkt inngöngusinnum á Íslandi, eru ekkert að fela kröfurnar sínar. Þar er meðal annarra skjala eftirfarandi framsetning sem 10 ára grunnskólabörn skilja auk þess að hægt er að fá sömu lesningu í ítarlegra formi. Það er sífelld blekking fullveldisafsalssinna í gangi við þá sem ekki vita betur að láta menn halda annað en raunveruleikinn er. Tilgangurinn virðist helga meðalið.

.

Hérna er blað af heimasíðu Evrópusambandsins sem sýnir ferlið (bls. 2) á einni blaðsíðu á myndrænan hátt :

.

http://ec.europa.eu/enlargement/pdf/publication/factsheet_en.pdf

.

Þegar dr. Össur fór með aðildarumsókn Íslands til Brüssel þá var haldinn fjölþjóðlegur fréttamannafundur þar sem Füle varð að tukta dr. Össur eins og sést hér :

.

http://www.youtube.com/watch?v=0O4fkcYwpu8

.

Að gefnu tilefni held ég að nauðsynlegt sé að setja hér inn enska textann af því sem stækkunarstjóri Evrópusambandsins svaraði dr. Össuri :

.

.

Füle :

.

„And if I may - I am sure you will find the necessary level of creativity, but in the framework of the existing acquis, and also based on the general principle which very much will be sustained throughout the discussion that there are no permanent derogations from the acquis.”

.

.

En því miður loka já-menn augum og eyrum við öllu sem þarna er nema „...you will find the necessary level og creativity” en að þeir skilji eða vilji heyra innan hvaða ramma creativity megi vera það vill hvorki dr. Össur né heldur aðrir Já-menn upp til hópa.