ESB-sinni óttast að vera talinn trúverðugur

Rök ESB-sinna ganga flestöll út á að Ísland sé ónýtt; sérhagsmunaklíkur ráði hér öllu, stjórnkerfið sé lamað, krónan ónýt og efnahagskerfið sömuleiðis. 

Einn aðaltalsmaður ESB-sinna, Benedikt Jóhannesson, steig fram á aðalfundi Nýherja og sagðist óttast að unga fólkið væri að missa tiltrúna á Íslandi.

Benedikt, sem ólmur vildi að óbornar kynslóðir Íslendinga tækju á sig Icesave-skuldir einkabanka, er sem sagt logandi hræddur um að vera talinn trúverðugur og að ungt fólk taki mark á níði ESB-sinna um Ísland og hrakspám um hörmungar handan við hornið.

Á Íslandi fá allir vinnu sem vilja og hagvöxtur er hér á meðan Evrópusambandið býr við fjöldaatvinnuleysi og engan hagvöxt. Á Íslandi eignast fólk fleiri börn að meðaltali en á meginlandi Evrópu; þar sem ungt fólk kýs að eiga afkvæmi sín, þar er gott að búa.

Engin hætta, Benedikt, fólk tekur ekki mark á þér og þínum líkum.

Athugasemdir

[Ásthildur Cesil Þórðardóttir, 18.3.2014 kl. 11:08]

Já tvískinnungur einkennir allan málatilbúnað ESB sinna, enda vondur málstaður að verja, að rakka niður land og þjóð hlýtur að vera ömurlegt hlutskipti.

[Baldur Sigurðsson, 22.3.2014 kl. 00:53]

Páll Vilhjálmsson. Í Austur-Evrópu á dögum kommúnista kenndu menn kommúnstastjórninni um það ef þeir komu að lokaðri krá. Allar krár höfðu einn frídag í viku og stundum var maður óheppinn ef næsti var lokaður.  Þú tengir barneignir við aðild að Evrópusambandinu.  Er ekki í lagi með þig??