Verðbólga á Austurvelli - um 2700 mótmæltu

Jón Steinar Ragnarsson fór ítarlega yfir gögn um mótmælafundinn á Austurvelli í gær. Hans niðurstaða er að um 2700 manns hafi mætt í þágu vinstriflokkanna.

Talsmenn Samfylkingar og ESB-sinna segja að 6000 til 8000 manns hafi mætt. Það einfaldlega stenst ekki.

Ríkisstjórnin þarf að gera upp við sig hvort 2700 manna mótmæli eigi að hrekja hana af leið í stórpólitísku meginmáli.

Athugasemdir

[Ásthildur Cesil Þórðardóttir, 2.3.2014 kl. 12:47]

Það er misskilningur að þetta fólk sé eingöngu að mótmæla slitum á aðlögun, sumir vilja fá að kjósa um að slíta viðræðum, það er því alveg óvíst hversu margir eru ESB sinnar og hverjir andstæðingar ESB. Svo skondið sem það nú er.

[Hans Haraldsson (IP-tala skráð) 2.3.2014 kl. 14:10]

Stuðningur við ESB-aðild er hvergi meiri á landinu en einmitt í því hverfi þar sem Alþingishúsið stendur. Jafnvel þótt raunverulegur fjöldi hafi verið 8000 er það ekkert sérstakt á laugardegi í besta veðri sem sést hefur lengi.

Annars er það áhugavert að fólk sem er (a.m.k nú um stundir) áhugasamt um að láta fjölda sem mætir á Austurvöll ráða ákvörðunum er oft líka sama fólkið og vill gera landið að einu kjördæmi.

[Ómar Ragnarsson, 3.3.2014 kl. 06:49]

Ég var að skrifa bloggpistil um þetta bull með 2700 manns á grundvelli óhrekjanlegra staðreynda. Reynið þið að hrekja þær.