Illugi til Pútín og kennarar éti það sem úti frýs

Engin pólitísk forysta er í ríkisstjórninni í kjaradeilu kennara við ríkisvaldið. Menntamálaráðherra, Illugi Gunnarsson, spilar eins og gömul plata sama lagið frá Samtökum atvinnulífsins að nemendur eigi að klára stúdentspróf á þrem árum.

Þegar Illugi er spurður hvernig menntastefna Samtaka atvinnulífsins komi kjaradeilu kennara við verður ráðherra svarafátt og hverfur á vit Pútíns í Rússíá - væntanlega til að læra eitthvað gagnlegt um samskipti yfirvalda við þegna sína.

Ríkisstjórnin lætur ekki svo lítið að taka þátt í umræðunni um það hvort það sé boðlegt að dagvinnulaun framhaldsskólakennara séu 17 prósent lægri en laun sambærilegra hópa ríkisstarfsmanna.

Pólitískt forystuleysi í jafn afdrifaríku máli og kjaradeilu við kennara verður ríkisstjórninni dýrkeypt. 

Segir formann ekki greina rétt frá