Árni Páll er á móti millistéttinni

Árni Páll Árnason formaður Samfylkingar leggst á sveif með erlendum kröfuhöfum föllnu bankanna og leggur sig fram um að tortryggja áætlun ríkisstjórnarinnar að endurreisa millistéttarheimilin á Íslandi.

Samfylkingin fékk fjögur ár, 2009 til 2013, til að koma til móts við Millistéttar-Jón og Gunnu en gerði ekkert til þess. Núna þegar ríkisstjórn Sigmundar Davíðs reisir loksins skjaldborgina um meðalheimilið í landinu þá leggur formaður Samfylkingarinnar sig fram um að ónýta málatilbúnaðinn.

Hverra erinda ganga Árni Páll og Samfylkingin?

Krefst svara um leiðréttingar

Athugasemdir

[Hreinn Sigurðsson, 2.12.2013 kl. 19:21]

Árni Páll vann ötullega fyrir bankana í síðustu ríkisstjórn. Þó dómstólar hafi reyndar hafnað hans vinnu að stærstum hluta. En krötum og kommum virðist gremjast það að venjulegt fólk sem hefur getað staðið í skilum fái einhverja leiðréttingu á ofvexti vaxta eftir hrun.

[Óðinn Þórisson, 2.12.2013 kl. 21:02]

Hefur einhver sakað ÁPÁ um að ganga erinda millistéttiarinnar - held ekki.

[Guðmundur Ingólfsson, 2.12.2013 kl. 21:10]

Á kjörtímabilinu 2009 til 2013 voru skuldir heimilanna færðar niður um 211 milljarða króna. Að auki voru greiddar 74 milljarðar í vaxtabætur til heimilanna. Aðgerðin til að koma til móts við skuldug heimili var því um 285 milljarðar en nú er talað um 80 miljarða á fjórum árum

[Elle_, 3.12.2013 kl. 00:59]

Flokkur ÁP er á móti almenningi og heimilum (og fullveldi og lýðræði).  Fylkingin barði hart á skuldugu fólki og við að leggja niður millistéttina þar til honum var með Evrópumeti hafnað í apríl '13.  ICESAVE var liður í hatrinu.  Þau eru líka ófær um að smala köttum.

[Benedikt Helgason, 3.12.2013 kl. 06:22]

@Guðmundur Ingólfsson.

Stór hlut af þessari upphæð, 211 milljarðar, er tilkominn vegna íhlutunnar dómsstóla vegna gengistryggðra lána.  Það er rétt að halda því til haga að síðasta stjórn lagði nokkuð á sig við að reyna að koma í veg fyrir að sú leiðrétting næði alla leið til lántakenda.