Listi yfir þá sem fá skuldaleiðréttingu

Í næstu viku verður kynnt hvernig Framsóknarflokkurinn ætlar að nota sameiginlegt fé landsmanna til að ,,skuldaleiðrétta" vegna hrunsins. Í útrásinni tók fólk fasteignalán til að fjármagna neyslu og byggði stærra en áður voru dæmi og mun þetta fólk, ef að líkum lætur, fá stærstu ,,leiðréttinguna."

Talsmenn Framsóknarflokksins, t.d. verkalýðsleiðtoginn Vilhjálmur Birgisson, blandar umræðunni um ,,skuldaleiðréttingu" við auglýsingu Samtaka atvinnulífsins um nauðsyn þessa að semja um hóflegar kauphækkanir. Í myndbandi þar sem atvinnurekendur eru í hlutverki Hitlers og nasista er gefið til kynna að venjulegt launafólk fái mest út úr ,,skuldaleiðréttingunni" og þess vegna séu atvinnurekendur á móti aðgerðinni.

Framsóknarmenn, bæði innan og utan ríkisstjórnar, geta sannfært okkur hin, sem ekki eru atvinnurekendur en samt sem áður á móti ,,skuldaleiðréttingu," um að allur almenningur munu njóta ,,leiðréttingarinnar" með því að birta lista fyrir þá sem fá leiðréttingu.

Rétt eins og skattaskráin er opin þá hlýtur að vera einfalt mál að opinbera hverjir fá hvað frá gjafmildu ríkisstjórninni. Ef örlæti stjórnarinnar beinist að almenningi en ekki óreiðufólki er sjálfsagt að styðja framtakið.

Athugasemdir

[Eyjólfur G Svavarsson, 23.11.2013 kl. 11:24]

Sammála.

[Benedikt Helgason, 23.11.2013 kl. 12:18]

Flott.

Samkvæmt forskriftinni þá gætu þetta orðið 30-50 þúsund heimili sem er ca. fjöldi þeirra heimila sem voru með verðtryggð lán á tímabilinu 2007-2010. 

En eigum við nú ekki að bíða og sjá hvort að það verður eitthvað úr þessu.  Það myndi a.m.k. spara þér lesturinn á svona símaskrá Páll ef að þér tækist að koma í veg fyrir leiðréttingar á lánunum.

En við skulum heldur ekki vera hræsnarar.  Ef við gerum þetta þá skulum við líka birta lista yfir alla þá sem áttu innistæður umfram 21.000 Evrur í fjármálastofnunum sem fóru í þrot og alla þá sem nutu góðs af innskotinu í peningamarkaðssjóðina.  

[Ragnhildur Kolka, 23.11.2013 kl. 14:07]

Sammála. Ég er almennt á móti því að skattskráin sé birt opinberlega, en væri sáttari við það ef skuldaleiðrétting og annað sem fólk þiggur frá hinu opinbera væri látið fylgja með. 

[Jón Þór Helgason, 24.11.2013 kl. 00:51]

með réttu hefði ríkið átt að skattleggja þær innistæður sem var bjargað umfram 21 þús EUR.

skv. skattalögum er það umfram skyldu innistæðutryggingarstjóðs. Það flokkast sem gjöf og skv. því eiga gjafir skattlagðar sem tekjur.