Morðið á Kennedy og samsæriskenningar

Kennedy-morðið í Dallas fyrir bráðum hálfri öld er enn tilefni til samsæriskenninga. Tveir stjórnmálafræðingar í Bandaríkjunum, Joseph Uscinski og Joseph Parent, gefa út á bók stúdíu um samsæriskenningar. 

Félagarnir segja samsæriskenningar verða til þegar tilefni mætir tækifæri. Sumir eru líklegri en aðrir til að líta heiminn samsærisaugum. Sterk andúð á valdaöflum er algeng uppspretta samsæriskenninga. Þeir sem hneigjast til samsærispælinga eru ekki siðblindir, heimskir eða hlutdrægir. Vinstrimenn og hægrimenn eru jafn líklegir til að vera samsærissinnaðir.

Samsæriskenningar eru ekki nýjar af nálinni, segja Uscinski og Parent, og nýmiðlun eins og netið eykur ekki vinsældir þeirra.

Ástæðan fyrir því að morið á Kennedy er enn umvafið samsæriskenningum er að sönnunargögnin eru loðin fyrir því að Lee Harvey Oswald sé eini gerandinn. Og umræðan heldur áfram.

Athugasemdir

[Jón Þórhallsson, 12.11.2013 kl. 13:31]

Það er tímasóun að vera að velta sér upp úr þessu;

við getum engu breytt.

Ein kenningin er að Kennedy hafi ætlað að segja heimsbyggðinni frá því að USA byggi yfir leyndarmálum tengt utanjarðargestum; en æðstu topparnir í hernum vildu hafa það leyndarmál fyrir sig.

Ég sel það ekki dýrara en ég keypti það.

http://exonews.org/must-read-dr-michael-e-salla-kennedys-last-stand-eisenhower-ufos-mj-12-jfks-assassination/