Jesúkomplex Steingríms J.

Formaður VG rökstuddi Icesave-samninginn með því að hann skyldi ábyrgjast samninginn á meðan lífsandinn hökti í nösum hans. Persóna Steingríms J. Sigfússonar átti að tryggja að versti alþjóðasamningur Íslendinga frá Gamla sáttmála yrði þjóðinni léttbær.

Þegar Steingrímur J. vildi mynda ríkisstjórn með Samfylkingu mátti ekkert standa í vegi fyrir metnaði hans, ekki einu sinni margítrekuð andstaða VG við aðild Íslands að Evrópusambandinu. Guðleg forsjón var að sveitastrákurinn frá Þistilfirði yrði jafn frægur og forseti Íslands, samkvæmt leitarvél Google.

Steingrímur J. fékk tækifæri á stóra sviði stjórnmálanna eftir hrun. Hann nýtti tækifærið til að auglýsa hversu langt lítill maður getur náð, bara ef hégóminn er nógu mikill. 

Næstum jafn frægur og Ólafur Ragnar