Samfylking stundar þögnina og fær aukið fylgi

Hástökkvarinn í könnun 365-miðla er Samfylkingin, sem bætir við sig átta prósentustigum frá kosningunum og mælist með 20 prósent fylgi. Mótsögnin í þessari fylgisaukningu er sú að Samfylkingin stundar helst þögnina í pólitískri umræðu síðustu mánaða.

Eftir rothöggið sem flokkurinn fékk í kosningunum í vor, 12,9% en var með tæp 30% fyrir fjórum árum, er fátt að frétta af Samfylkingu. Stóra málið frá síðasta kjörtímabili, ESB-umsóknin, liggur dauð í vegkantinum og fær ekki aðhlynningu frá samfylkingarfólki. Næst stærsta málið, stjórnarskrárbreytingar, var urðað með þegjandi samþykki þingmanna Samfylkingar.

Engar nýjar pólitískar áherslur koma frá Samfylkingunni, ekki er einu sinni ljóst hvað af gömlu málunum flokkurinn heldur upp á. Enn síður er kunnugt hvort flokkurinn halli sér til vinstri, kjósi samstarf við VG og Bjarta, eða hvort nálgun við Sjálfstæðisflokkinn sé á döfinni.

Það segir nokkra sögu um stöðu stjórnmálanna að flokkurinn sem stundar pólitíska þögn og stendur ekki fyrir eitt eða neitt skuli mælast hástökkvari í skoðanakönnun.

Ríkisstjórnin með 43% fylgi

Athugasemdir

[Jón Ingi Cæsarsson, 4.11.2013 kl. 09:25]

Menn vita miklum mun betur fyrir hvað Samfylkingin stendur fyrir en ríkisstjórnarflokkarnir.

Það veit engin, síst þeir sjálfir.