Jón Gnarr í baráttusætið yrði besti brandarinn

Jón Gnarr borgarstjóri byggir vinsældir sínar á öðruvísi pólitík, svo reynt sé að orða hlutina á kurteisan hátt. Sitjandi borgarstjóra færi illa að reka kerfislega kosningabaráttu.

Ingimar Karl Helgason giskar á að Jón Gnarr setjist í baráttusætið, það áttunda, með þeirri yfirlýsingu að nú sé það allt eða ekkert. Annað tveggja kjósi meirihluti Reykvíkinga Jón Gnarr eða að hann hverfi á braut.

Jón Gnarr mun ekki fara í baráttusætið. Þótt hann sjálfur fatti það kannski ekki þá eru nógu margir í kringum hann nægilega jarðtengdir til að skilja að engar, nákvæmlega engar, líkur eru á því að Jón Gnarr og Besti flokkurinn fái meirihluta.

Jón Gnarr mun leiða lista Besta flokksins og halda öllum möguleikum opnum um að tryggja sér þægilega innivinnu í fjögur ár á kostnað almennings.

Athugasemdir

[Ómar Ragnarsson, 29.10.2013 kl. 00:12]

Davíð Oddsson orðaði þetta vel í ársbyrjun 1986 þegar hann sagðist frekar ætla að vera í 1. sætinu en 8. sætinu vegna þess að það væri betra að leiða hjörðina en að reka hana.