Femínismi og maskulínismi

Klúbbar, hvort heldur formlegir eða óformlegir, eru vettvangur karla til að vera karlar í friði fyrir konum. Konur hafa átt sambærilega klúbba, einkum óformlega framan af, sbr. saumaklúbba, en á seinni árum oftar formlega og eru femínistafélög dæmi um það.

Innbyggt í femínisma er hugmynd um að karlar sitji yfir hlut kvenna. Það er einfaldlega ekki rétt. Réttindi kvenna á Íslandi fengu framgang m.a fyrir tilstilli karla á alþingi fyrir hundrað árum og meira. Efnalitlir karlar hafa í borgaralegu samfélagi mátt þola meira misrétti en efnaðar konur.

Femínismi dagsins í dag stuðlar að og eykur misrétti kynjanna með því að halda fram sannanlega röngum forsendum; að karlar hindri framgang kvenna.

Andheiti femínisma er maskulínismi. Þótt halli á karla á mikilvægum sviðum samfélagins, t.d. menntun, þá dettur engum í hug að stofna maskulínistafélag.

„Alltof fáir strákar femínistar“