ESB-sinnar hóta Sjálfstæðisflokknum

Fáeinir ESB-sinnar í Sjálfstæðisflokknum hóta að efna til innanflokksóeirða ef þeir fá ekki þjóðaratkvæði um framhald aðildarferlisins inn í Evrópusambandi. Helgi Magnússon skrifar í Fréttablaðið

Ríkisstjórnin þarf að átta sig á því sem fyrst hvort það geti talist mikilvægt forgangsmál að fara gegn þjóðarvilja í þessu máli og efna til ófriðar um það í stað þess að beina kröftunum að lausn þeirra brýnu efnahagsmála sem enn bíða úrlausnar.

Helgi lætur sér í léttu rúmi liggja að þjóðin er afgerandi á móti aðild að Evrópusambandinu og að báðir ríkisstjórnarflokkarnir eru með ákveðnar og afgerandi samþykktir um að hagsmunum Íslands sé betur borgið utan sambandsins en innan þess.

Nei, Helgi krefst þess að aðildarferlinu verði haldið áfram vegna þess að skoðanakönnun sýndi að fólk er ekki frábitið viðræðum við ESB. En viðræður án aðlögunar inn í sambandið eru ekki í boði eins og margsinnis hefur komið fram.

Björn Bjarnason svarar Helga og segir

 Veit Helgi Magnússon ekki að ríkisstjórnin vill ekki halda aðildarviðræðunum áfram? Ef einhverjir þurfa að átta sig á einhverju í ESB-málinu eru það Helgi Magnússon og skoðanabræður hans. Þeir urðu undir í þingkosningunum og við völd situr ríkisstjórn sem hefur ákveðið að hætta ESB-viðræðunum.

Þarna tæpir Björn á sama máli og Sighvatur Björgvinsson gerði nýlega í grein. Þar sagði Sighvatur

Þið viljið að ríkisstjórnin ykkar, sem er stofnað til af tveimur flokkum, sem báðir tveir eru algerlega andvígir aðild Íslands að Evrópusambandinu, gersamlega án tillits til niðurstöðu samningaviðræðna þar um, láti fara fram atkvæðagreiðslu um hvort eigi að ljúka þeim samningaviðræðum, sem hafnar voru af síðustu ríkisstjórn gegn afdráttarlausum vilja flokka ykkar.

 Þetta viljið þið í þeirri von að meirihluti þjóðarinnar sé andvígur yfirlýstri stefnu flokkanna ykkar og þvingi þá og ríkisstjórn þeirra til þess að breyta þvert gegn yfirlýstri stefnu sinni. Og hvað svo? Gunnar Bragi Sveinsson mæti til Brussel með beiðni um að samningaviðræðum um aðild Íslands að ESB verði áfram haldið þó hann og ríkisstjórn hans séu algerlega andvíg því að þær viðræður leiði til jákvæðrar niðurstöðu!

 Að Bjarni Benediktsson lýsi því yfir að Sjálfstæðisflokkurinn í ríkisstjórn vilji fara að ræða við Þjóðverja, Svía, Dani, Breta - og alla þá hina - um samruna sem flokkurinn sé algerlega andvígur! Hvílík heimska! Hvílíkt rugl! Hvílíkt aðhlátursefni þjóða heims yrðu ekki Íslendingar! Nóg er nú samt!

Er ekki kominn tími til að ESB-sinnar í Sjálfstæðisflokknum hagi sér eins og fullorðið fólk og annað tveggja játi sig sigraða og haldi áfram að starfa í flokknum eða gangi til liðs við Samfylkinguna?

Athugasemdir

[Ómar Bjarki Kristjánsson, 3.9.2013 kl. 12:21]

Sjallar lofuðu þjóðaratkvæðagreiðslu - en að sjálfsögðu fara þeir sjallarlétt með að svíkja það EINS OG ALLAN KOSNINGALOFORÐAFLAUMINN SEM KOM FRÁ FRAMSJALLAELÍTUNNI SEM SVEIK SIG TIL EINVALDA MEÐ LOFORÐI UM FEITAN GÚMMÍTJÉKKA.

Auðvitað fara þeir létt með að svíkja það enda eru það hægri ofs-öfgamenn og þjóðrembingsbullukollar sem leggja línurnar í sjallaelítuflokknum.

[Óskar Helgi Helgason (IP-tala skráð) 3.9.2013 kl. 13:42]

Sæll Páll; líka sem og aðrir gestir, þínir !

Ómar Bjarki !

Jú; jú - all margt, hafa þessir kverúlantar svikið svo sem, sem nú fara með völd, en ekki var ÞITT lið hótinu betra, á tímabilinu 2009 - 2013 / og raunar fyrr, Austfirðingur.

Klisja þín; um ''hægri'' þetta - og ''hægri'' hitt, um þá Bjarna og Sigmund, er nú án nokkurrar innistæðu Ómar minn, þar sem þetta lið er venjulegt miðju froðu bandalag, og ekki sézt nú neinn ''þjóðrembingur'' í ranni þeirra, miklu fremur, ágirnd og eiginhagsmunagæzla, áþekkt þínu fólki, í : A - S og V listunum, Ómar Bjarki.

Reyndu svo; að hafa það, sem sannarra reynist, svo lágmarks mark mætti á þér taka, ágæti drengur.

En Páll !

Síðan hvenær; hefir Björn þessi Bjarnason, verið marktækur á þá vegu, að við mætti una, fremur en Helgi Magnússon, síðuhafi góður ?

Með beztu kveðjum; sem oftar, úr Árnesþingi, þrátt fyrir gamalkunna einsýni og þröngs sjóndeildarhrings raup, Ómars Bjarka /

[Steinarr Kr. , 3.9.2013 kl. 14:28]

ESB sinnar eru háværir, en eins og með hunda, þá er bitið yfirleitt ekki í samræmi við gjammið.

[Ómar Bjarki Kristjánsson, 3.9.2013 kl. 14:59]

Það var ekkert svikið sem lofað var fyrir kosningar 2009 eins og farið er yfir hér þar sem framsjallar eru svældir útúr grenjum sínum. Og heyrðist þá grátur gnístran tanna:

http://heimskringla.blog.is/blog/heimskringla/entry/1311327/

[Óskar Helgi Helgason (IP-tala skráð) 3.9.2013 kl. 15:35]

Komið þið sælir; á ný !

Ómar Bjarki !

O; jú, Austfirðingur reikuli. Hver EINASTI svardagi; þessa ankannalega lýðs, sem þú hefir bundið þitt trúss við, hefir svikinn verið, aldeilis !!!

Sízt; dreg ég þó úr, fordæmingu minni, á sleifarlagi þeirra Bjarna og Sigmundar Davíðs - þessa daga, sem misseri líðandi, eftir sem áður, piltar.

Ekki lakari kveðjur; hinum fyrri - og áður /

[Gunnlaugur I., 3.9.2013 kl. 21:29]

Samfylkingin er sá flokkur á Íslandi hefur svikið ykkur ESB aðildarsinna mest og verst.

Samfylkingin lofaði ykkur því 2009 þegar þeir fóru með ESB umsóknina til Brussel að það yrði komin á samningur við ESB á 12 mánuðum eða í hæsta lagi 18 mánuðum.

Þeir voru allt kjörtímabilið að bjástra við ESB málið en ekkert gekk.

Öll erfiðustu málin í samskiptum við ESB fengust ekki einu sinni rædd við prelátana frá Brussel.

[Sigurður M Grétarsson, 3.9.2013 kl. 22:34]

Páll. Hvenær ætlar þú að hætta að ljúga því á bloggsíðu þinni að aðildarviðræður án aðlögunar séu ekki i boði? Það er nákvæmlega það sem er í boði og er það ferli sem við erum í. Ef aðildarsamningur verður samþykktur í þjóðaratkvæðagreiðslu þá hefst aðlögunin og mun standa í eitt og háflt til tvö ár áður en Ísland gengur formlega í ESB? Einu undantekningarnar frá þessu munu verða aðgerðir sem ljóst er að sá tímarammi dugi ekki til að klára. Í þeim tilfellum verður annað hvort byrjað á aðlögun fyrir þjóðaratkvæðagreiðslu eða veitt tímabundin undanþága til að klára þá eða þær aðgerðir eftir að af aðild verður. En ef fyrri kosturinn verður valinn þá verður allavega ekkert komið það langt að ekki verður með auðveldum hætti hægt að vina ofan af því.

Hvernig væri nú að þú eða aðrir sem hafið verið að halda þessu bulli um aðlögun fram nefnið dæmi um aðlögun sem hefur átt sér stað vegna aðildarviðræðna okkar það er aðlögun sem ekki hefur verið nauðsynleg vegna aðildar okkar að EES samningum? En ég get alveg sparað þér vinnuna við að leyta af slíku dæmi því þú munnt ekki finna neitt vegna þess að það eru ekki nein dæmi um slíkt.

Staðreyndin er einfaldlega sú að það ferli sem er í gangi eru aðildarviðræður sem vonandi skila aðildarsamningi sem þá verður borin undir þjóðina í þjóðaratkvæðagreiðslu til samþykktar eða synjunar. Fullyrðingar um annað eru ekkert anað en tilraun til að fá fólk til fylgis við þá kröfu að slíta viðræðunum út frá upplognum forsendum.

En hvað varðar þá aðila innan Sjálfstæðifslokksins sem eru ósammála forystu hans í þessu máli þá hafa forystumenn Sjálfstæðisflokksins sagt að Sjálfstæðisflokkurinn væri flokkur þar sem rúm væri fyrir breiðan hóp með mismunandi skoðanir. Það er greinilegt að þú lítur ekki svo á miðað við þá kröfu þína að þeir sem hafa aðra skoðun en forystan í þessu máli megi ekki berjast fyrir því að stefnu flokksins sé breytt í því máli eða að flokkurinn standi við kosningaloforð sem formaðurinn gaf í aðdraganda Alþingiskosninga.

[Ómar Bjarki Kristjánsson, 3.9.2013 kl. 22:46]

Réttmæt ábending. Það er fyrir löngu kominn tími til að Andsinnar hætti að ljúga. Og best væri að þeir myndubiðja þjíðna afsökunnar á þessari lygi sinni.

[Hreinn Sigurðsson, 4.9.2013 kl. 03:40]

@ Ómar Bjarki. Lestu þessa frétt: http://www.mbl.is/frettir/kosning/2009/02/01/sla_skjaldborg_um_heimilin/

eða þessa síðu þar kemur þetta með skjaldborg Jóhönnu fram: http://timarit.is/view_page_init.jsp?issId=333624&pageId=5246504&lang=is&q=J%F3hanna%20heimilin