ESB-fylkingar eru 60 - 25 - 15 prósent

Síðustu þrjú ár er staða ESB fylkinga á Íslandi þannig að 60 prósent er á móti aðild að Evrópusambandinu, 25 prósent er fylgjandi en 15 prósent tekur ekki afstöðu. Upplýsingarnar má lesa úr könnun MMR.  Tölurnar ríma við kannanir Capacent Gallup á undanförnum árum.

Bæði MMR og Capacent mæla staðfestu í afstöðu fólks. MMR spyr hvort viðkomandi sé mjög eða frekar andvígur/fylgjandi en Capacent býður þrjá möguleika í staðfestu:alfarið, mjög eða frekar. Andstæðingar skora alltaf hærra í staðfestu, ESB-sinnar eru hálfvolgir í afstöðu sinni en andstæðingarnir ákveðið á móti.

Afgerandi hluti þjóðarinnar er á móti aðild og sterkur þingmeirihluti er á móti aðild. Umsóknin frá 16. júlí 2009 um aðild Íslands að Evrópusambandinu er búin að vera.      

Þjóðaratkvæði ekki fyrirhugað

Athugasemdir

[Rafn Guðmundsson, 29.6.2013 kl. 13:12]

páll - án þess að vera viss þá ætla ég að gera ráð fyrir því að þú viljir skoða hús áður en þú kaupir það (eins með flesta hluti) - eins er þetta með esb - það þarf að klára samninginn til að fólk geti tekið ákvörðun.

[Kolbrún Hilmars, 29.6.2013 kl. 15:24]

Enginn kaupandi lætur sér nægja að skoða húsið að utan á meðan óskyldir aðlaga aðstæður kaupandans að hagsmunum seljandans.  Og skrifa jafnvel undir kaupsamninginn líka áður en kaupandinn kemur að málinu.

Eitthvað er öfugsnúið við slík húsakaup...

[Rafn Guðmundsson, 29.6.2013 kl. 16:52]

rétt kolbún - þess vegna þarf að skoða húsið - mín skoðun er sú að seljandi vilji selja húsið og fyrir ásættanlegt verð. þar er munurinn á okkur.

[Kolbrún Hilmars, 29.6.2013 kl. 17:05]

Rafn, af hverju þarft þú þá að sjá tilbúinn kaupsamning til þess að vita hvað þú ert að kaupa?

[Jósef Smári Ásmundsson, 29.6.2013 kl. 19:19]

Hva,erum við að fara að keypa eitthvað hús?Eru menn virkilega ennþá í þessu ESB kjaftæði?Ég hélt að þetta væri löngu útrætt mál.Eigum við ekkiað fara að snúa okkur að alvöru lífsins,eins og atvinnumálunum og rétta við fjármál ríkisins og einstaklinga?Í guðanna bænum.