Konur sem beita ofbeldi

Ofbeldi kvenna skilur sjaldnast eftir sýnilega áverka. Dæmigerðu ofbeldi kvenna er lýst í frétt Morgunblaðsins um ungan mann sem varð fórnarlamb ofbeldiskvendis. Umræða um ofbeldiskonur er löngu tímabær.

Ofbeldishneigð kvenna birtist einatt á sviðum þar sem þær njóta yfirburða gagnvart körlum; félagsfærni og samskiptahæfni. Karlar sem standa höllum fæti, skortir sjálfstraust, eru feimnir eða koma frá brotnum heimilum eru auðveld fórnarlömb ofbeldiskvenna.

Konur sem ganga fram fyrir skjöldu og segjast beittar ofbeldi eru hversdagshetjur, fá uppslátt í glanstímaritum og viðhafnarviðtöl í ljósvakamiðlum. Karlar sem verða fyrir ofbeldi kvenna þora ekki að koma fram undir nafni af ótta við að verða að athlægi.

Athugasemdir

[Heimir Lárusson Fjeldsted, 28.5.2013 kl. 16:11]

Ditto.

[Ingibjörg Axelma Axelsdóttir, 28.5.2013 kl. 20:24]

Ég er rosalega ánægð að það sé hafin umræða um þessi mál í þjóðfélaginu. Löngu orðið tímabært.

Næst má opna augu almennings fyrir því að konur eru líka gerendur í kynferðisbrotamálum gagnvart börnum. Fólk vill almennt síður viðurkenna það, og þau mál vega oft ekki jafnþungt í augum sumra.

[Sandkassinn (IP-tala skráð) 28.5.2013 kl. 20:36]

ég tek undir með ykkur, löngu tímabært.

[Heimir Lárusson Fjeldsted, 28.5.2013 kl. 21:13]

Líkamlegt ofbeldi kvenna er ekki síður alvarlegt, en karla. Karl sem tekur á móti til að verjast, þó ekki sé nema að reyna að halda aftur af konunni, er í bullandi hættu á að vera kærður fyrir ofbeldi.

Síðan er andlegt ofbeldi kvenna hrikalegt t.d. þegar hún getur og lætur karlinn engjast í vafa um faðerni barna sinna.