Pólitísk væntingastjórnun

Stjórnarmyndunarviðræður Sjálfstæðisflokks og Framsóknarflokks eru tveggja þátta. Í fyrsta lagi innihald málefnasamnings og í öðru lagi að stýra væntingum fólks til nýrrar ríkisstjórnar.

Málefnasamningurinn er mikilvægur fyrir vegferð ríkisstjórnarinnar út kjörtímabilið en væntingastjórnunin ræður því hvernig til tekst með upphaf stjórnarsamstarfsins.

Báðir flokkar gáfu fyrirheit um betri tíð með blóm í haga og kjósendur munu rukka þau loforð. Ný ríkisstjórn verður á hinn bóginn að standast þann freistingarvanda að ætla að bæta lífskjör með hókus pókus aðferðum.

Væntingastjórnunin mun ganga út á að sannfæra þjóðina um að sígandi lukka sé heppilegri en stormsveipur falskra lífskjara.

Þingflokkarnir boðaðir á fundi

Athugasemdir

[Ómar Ragnarsson, 13.5.2013 kl. 12:50]

Tek undir hvert orð í þessum pistli. Þegar heilt lið hefur setið á bekknum í eitt kjörtímabil og kemur inn á leikvanginn eru væntingarnar miklar.

Vonandi hefur það dregið lærdóma af því af hverju það var sett á bekkinn á sínum tíma.

[Helga Kristjánsdóttir, 13.5.2013 kl. 14:10]

Dýrkeypt örvæntingartilraun 2009,að setja hlaupara í gaddaskóm inn á, sem kjósendur höfðu staðið að því að skora sjálfsmörk. Fyrir það erum við ennþá að líða,strita og missaþ