Tvískinnungur Samfylkingar og fræðimenn í felum

Fríverslunarsamningurinn sem Jóhanna Sig. ætlar að undirrita við Kínverja er ósamrýmanlegur ESB-aðild Íslands sem Samfylkingin berst fyrir.

Evrópusambandið gerir fríverslunarsamninga fyrir hönd aðildarríkja sinna. Eins og heyra má af kosningaáróðri Samfylkingar er stefnan enn sett á ESB-aðild. Ef sú stefna gengi fram yrði að segja upp fríverslunarsamningnum við Kína.

Samfylkingin ber ábyrgð á þessum tvískinnungi. Þeir ,,fræðimenn" sem þykjast vita eitthvað um ESB, t.d. Baldur Þórhallsson í HÍ og Eiríkur Bergmann í héraðsskólanum í Norðurárdal, þegja þunnu hljóði um þessa mótsagnakenndu utanríkispólitík sem Samfylkingin rekur í nafni þjóðarinnar. 

Jóhanna og Jónína til Kína

Athugasemdir

[Ásthildur Cesil Þórðardóttir, 6.4.2013 kl. 22:35]

Já auðvitað þegja þeir þegar sannleikurinn er ekki þeim í hag, sem hann er sjaldnast, þá er litið í aðrar áttir.

[Vilhjálmur Örn Vilhjálmsson, 7.4.2013 kl. 05:06]

Baldur Þórhallsson samfyllingarfræðimaður situr nú í Vilníus og malar með Jóni Baldvini sérfræðingi í viðskiptum við baltneskar konur. Þeir segja væntanleg nasísku elítunni  í Litháen að vera góða við Kínverja. Líklega þrá litháísk yfirvöld að komast aftur undir járnhælinn, nú þegar þeir voru loks lausir við Rússana, sem þeir segja verri en nasistana sem sumir Litháar unnu svo fjandi vel með í gyðingamorðunum.

Er ekki annars kominn fríverslunarsamningur ESB við Kóreu, Perú og Kólombíu. Mér heyrðist um daginn að einhverjir danskir stjórnmálamenn væru enn og aftur að tala með mikilli áfergju um fríverslunarsamning við Kínverja, og vitnuðu þeir til Íslendinga. En þeir hefðu getað vitnað til 2. hvors ríkis í 3. heiminum sem Kínverjar hafa líka gert slíka "samninga" við. Danmörk er hvort sem er að verða 3. heims ríki í ESB, svo það er auðvitað mikill ávinningur fyrir Dani að láta Kínverja um að stjórna hér líka.

Nú hafa danskir lágkratar gefið Kínverjum háskóla í Kaupmannahöfn, því ljóst er að danskir kennarar eru of lélegir til að kenna dönskum börnum, sem eru meira eða minna ólæs og kunna ekki að reikna eins og Kínverjar. Í Danmörku árið 2077 verða kratarnir vitanlega Kínverjar. Danir halda nefnilega líka, sumir, að þeir geti fengið fríverslunarsamning við Kína án þess að ESB blandi sér í málið. Það er mikill misskilningur.

En það er ESB sem enn ræður ferðinni í Kínamálum ESB-þjóða - en enginn tekur það samansull alvarlega lengur nema aflóga stjórnmálamenn á Íslandi, þótt þau geti ekki enn borðað með pinnum.

Sjá http://postdoc.blog.is/blog/postdoc/entry/1235691/