Bjarna Ben með ESB-harakiri

Bjarni Benediktsson virðir ekki landsfundarályktun Sjálfstæðisflokksins þar sem segir um ESB-umsóknina

Áréttað er að aðildarviðræðum við ESB verði hætt og þær ekki teknar upp aftur nema að undangenginni þjóðaratkvæðagreiðslu.

Með engu móti er hægt að skilja samþykktina á annan veg en þann að aðildarviðræðum við Evrópusambandið skuli hætt. Ef þær aðstæður skapast síðar að þjóðin vilji inn í Evrópusambandið verði ekki sótt um nema að undangenginni þjóðaratkvæðagreiðslu.

Formaður Sjálfstæðisflokksins virðist hafa VG-skilning á ESB-málum, þykjast vera á móti en í raun fylgjandi. Hann segir samkvæmt RÚV

Í ræðu sinni áréttaði Bjarni stefnu flokksins um að aðildarviðræðum við Evrópusambandið verði hætt og efnt verði til þjóðaratkvæðagreiðslu um framhald þeirra á fyrri hluta komandi kjörtímabils.

Bjarni ætlar sem sagt að hætta aðildarviðræðum og fara beint í þjóðaratkvæði um að halda þeim áfram. En þá er hann óvart ekkert að hætta viðræðum heldur gera stutt hlé. Kannski ætlar hann sér líka að mæla með aðildarviðræðum og taka þannig fullkominn VG-snúning á þjóðina?

Einhver velviljaður Bjarna, sem kann að lesa og veit út að hvað pólitík gengur, ætti að vekja athygli formannsins á því að hann er í forystu fyrir flokki sem er afgerandi á móti aðild Íslands að Evrópusambandinu.

Bjarni Ben er um það bil að fremja ESB-harakiri á Sjálfstæðisflokknum kortéri fyrir kosningar.

 

 

Athugasemdir

[Rafn Guðmundsson, 23.3.2013 kl. 20:39]

gott og rétt hjá xD þarna. þessi einángrunarstefna sem var ályktað um þarna var sama bullið og kristileg ...........

[Ívar Pálsson, 23.3.2013 kl. 23:56]

Þetta er eins skýrt og það verður: aðlögun verður slitið strax. Síðan er borið undir þjóðaratkvæði hvort þannig „viðræður“ verði hafnar að nýju, líklega á fyrri hluta kjörtímabilsins.

Ekki verður samið um aðild Íslands að Evrópusambandinu þegar sá 70% hluti þjóðarinnar sem tekur afstöðu er á móti aðild. Þesskonar samningur er ógildur og í blóra við vilja heildarinnar, sama hvað menntaðir hátekjukarlar á Reykjavíkursvæðinu vilja sem sérhagsmunahópur.

[Helga Kristjánsdóttir, 24.3.2013 kl. 00:38]

Hann segir að það sé fyrst og fremst mikilvægt að þessar viðræður haldi ekki áfram,er það skilið. Í stjórnmálaflokki sem byggir á eldgömlum grunni ( 75 ár?) líðst engum að þykjast.Það er því engan veginn hægt að miða nokkurn íslenskan opinberan mann við Steingrím Vg formann,sem var orðinn samgróín flokknum sem hann gengdi formennsku í réði þar öllu,enda stofnaður fyrir hann. Ég hefði viljað sjá formann Sjálfstæðisflokks kveða fastar að,láta að minnsta kosti glitta í eldmóðinn og minnast stöku sinnum á ættjörðina. Á fyrri helming þessa kjörtímabils,var nokkru sinnum sýnt frá Alþingi,vinum mínum fannst þá ljóður á ráði hans að hann væri alltaf svo reiður. Við vildum sjá menn takast á í Ruv.ekki við Sigmar og Helga,þeir hafa ekkert að verja,en pólitískir andstæðingar ættu að fá að sitja andspænis hvorir öðrum og skiptast á skoðunum,kannski eins og í BNA. Gömlu Sjálfstæðisbrýnin skila sér þótt ekki væri nema til að fella Jóhönnustjórn,sem er bráðaðkallandi.

[Hrólfur Þ Hraundal, 24.3.2013 kl. 01:45]

Vandi Sjálfstæðisflokksins er ekki flokkurinn heldur Bjarni Ben sem er vingull. Tveir síðustu landsfundir mislukkuðust, þrátt fyrir betri kosti. Hverjum það er að kenna veit ég ekki en það er klárlega eitthvað að og sú meinsemd kemur ekki frá landsbyggðinni, svo mikið veit ég.

En við þurfum að nota sjálfstæðisflokkinn, í þeim tilgangi að losna við núverandi nauðungar maskínu sem mun halda áfram þó að Framsókn kæmist þar á meðal, því að Framsókn hefur aldrei vitað fyrir kosningar hvort hann ætlar að vera til vinstri eða hægri eftir kosningar.

Þeir snillingar sem hafa ráðið málum á tveimur síðustu landsfundum sjálfstæðis flokksins hafa komið því svo fyrir að við næstu stjórna myndunar viðræður þá á Sjálfstæðis flokkurinn kost á að verða hækja Framsóknarflokksins.  Skárra verður það varla en það ætti samt að duga með því að litið sé eftir B.B.              

[Helga Kristjánsdóttir, 24.3.2013 kl. 02:03]

Hún er einörð hún systurdóttir mín í þínu kjördæmi, Eyrún Ingibjörg,en auðvitað hef ég mætur á henni.

[Ægir Óskar Hallgrímsson, 24.3.2013 kl. 05:15]

Sjálfstæðismönnum er ekki treystandi í utanríkismálum.

[Samstaða þjóðar, 24.3.2013 kl. 14:46]

 

Það virðist vera orðinn fastur siður hjá forustu Sjálfstæðisflokks að ganga þvert gegn samþykktum Landsfunda. Varla getur verið neinn vafi um hvað eftirfarandi samþykkt Landsfundar 2013 merkir, eða skilur Bjarni ekki mannamál:

 

»Áréttað er að aðildarviðræðum við ESB verði hætt og þær EKKI teknar upp aftur nema að undangenginni þjóðaratkvæðagreiðslu.«

 

Fyrri helmingur samþykktarinnar segir að aðlögun skuli hætt og sá síðari að samningar um aðlögun skuli EKKI teknir upp aftur nema þjóðarkönnun sýni meirihluta þjóðarinnar fyrir aðlögun.

 

Nú segir Bjarni Benediktsson að Sjálfstæðisflokkur muni í ríkisstjórn beita sér fyrir að þjóðarkönnun um ESB-samning fari fram á fyrri hluta  nærsta kjörtímabils. Morgunblaðið segir:

 

»Bjarni segir að hann vilji þjóðaratkvæðagreiðslu um áframhald viðræðna. Öðruvísi fáist ekki skýrt umboð fyrir þjóðina. Hann segist sjá fyrir sér að atkvæðagreiðsla geti farið fram á fyrri hluta næsta kjörtímabils.«

 

Hvað merkir "umboð fyrir þjóðina" - á ekki að standa

»umboð frá þjóðinni« ??  Ekki er hægt að draga aðrar niðurstöður af orðum Bjarna, en eftirfarandi:

 

• Ætlunin er EKKI að láta Alþingi hætta aðlögun formlega, strax eftir kosningar.

 

• Ætlunin er þvert á móti að halda áfram samningum um aðlögun.

 

• Get er ráð fyrir að ESB-samningur verði tilbúinn eftir tvö ár.

 

• Ætlunin er að setja fullgerðan ESB-samning í þjóðarkönnun, um mitt kjörtímabil.

 

• Sjálfstæðisflokkur er búinn að semja um ríkisstjórn með Samfylkingu og BF, með Bjarna í forsæti.

 

Loftur Altice Þorsteinsson.