Ríkisstjórnin er hryllingsbúð Jóhönnu Sig.

Þegar frá upphafi var ríkisstjórn Jóhönnu Sig. án umboðs þjóðarinnar í stærstu málum. Samfylkingin, sem fékk innan við 30 prósent stuðning við ESB-umsóknina, fékk að ráða ferðinni í utanríkismálum fyrir tilstilli svika þingmanna VG. Þar með ríkisstjórnin komin í beina andstöðu við afgerandi meirihluta þjóðarinnar í stærsta pólitíska álitamáli seinni tíma stjórnmálasögu landsins.

Í Icesave-málinu beið ríkisstjórnin ósigur í þjóðaratkvæðagreiðslu ekki einu sinni heldur í tvígang. En áfram hélt ríkisstjórnin störfum og naut þess að Þór Saari, Margrét og Birgitta vildu ekki lenda á götunni og héldu þess vegna í þingsætin.

Valgerður Bjarnadóttir viðurkenndi í pistli að stjórnarmeirihlutinn var fallinn veturinn 2011 til 2012. Vinstriflokkarnir eru í þykjustumeirihlutastjórn sem kemst hvorki afturábak né áfram. En brátt fellur tjaldið og þjóðin getur varpað öndinni léttar:

Loksins, loksins hillir undir lok hryllingsbúðar Jóhönnu Sig.

 

Leikrit sem fólk vill ekki sjá

Athugasemdir

[Heimir Lárusson Fjeldsted, 11.3.2013 kl. 17:40]

Erfitt að bíða.