Alþingi á að slíta strax

Alþingiskosningarnar eru eftir sjö vikur en samt bólar lítið á pólitískri umræðu sem gæti auðveldað almenningi að velja á milli ólíkra kosta. Í stað stjórnmála næsta kjörtímabils er rifist um hvernig dauða stjórnarskrármálið skuli urðað.

Eitt mikilvægasta verkefni stjórnmálaflokka í lýðræðisríki er að bjóða fram pólitíska stefnu. Stjórnmálaflokkarnir eru á framfæri almennings til að sinna þessu verkefni.

Til að stjórnmálaflokkarnir komist til þess starfa, sem almenningur á kröfu á að þeir sinni, á að slíta alþingi strax.