Stjórnarskráin sem valdatæki

Stjórnarskráin er valdatæki fárra, er undirtónninn í gagnrýni margra á vinstrikantinum í garð Árna Páls formanns Samfylkingar, sem boðar undanhald í stjórnarskrármálinu.

Ef við gefum okkur þessa forsendu, að stjórnarskráin sé valdatæki, þá er næst að spyrja: í þágu hverra?

Stjórnarskráin er að stofni til frá 1874 og þar með eldri en heimastjórnin, fullveldið og lýðveldið. Á starfstíma stjórnarskrárinnar þjónar hún hálfdönsku embættismannaveldi sem byggt er á bændasamfélagi er breytist í smábæjarþjóðfélag og tekur stökk í kjölfar stríðsgróða í átt að velferðarsamfélagi.

Stjórnarskráin hefur með öðrum orðum unnið í þágu allra valdablokka í landinu í bráðum 140 ár.

Þeir sem líta á stjórnarskrána sem valdatæki fárra útvaldra þurfa að svara því hverjir hafa verið afskiptir af stjórnarskránni í 140 ár.

Er afskipti hópurinn þeir þrjátíu eða fjörtíu vinir Illuga Jökulssonar, Þorvaldar Gylfasonar, Tryggva Gíslasonar og Vilhjálms Þorsteinssonar sem hittast á laugardögum í febrúar á Austurvelli?

Nei, þjóðin er töluvert meira en ólögmæta stjórnlagaráðið. Og stjórnarskráin er verkfæri sem nýst hefur þjóðinni frá því hún var fátæk hjálenda Dana og tók upp baráttuna fyrir þjóðfélagi sem skapar þegnum sínum lífskjör er jafnast á við það besta í víðri veröld.

Stöndum með stjórnarskránni og látum ekki niðurrifsöflin eyðileggja hana.

Athugasemdir

[Sólbjörg, 5.3.2013 kl. 18:27]

Það hreinn málatilbúnaður áróðursmiðlanna að þjóðin hafi svona mikinn áhuga á þessari stjórnarskrá - þjóðin hefur það ekki. Það er engin endir á fláræði og blekkingum stjórnarinnar. Katrín er engu betri en Steingrímur J. því allir vita mætavel að það getur aldrei orðið af aðild að ESB nema breyta stjórnarskránni fyrst þ.e.a.s 111gr, eingöngu þaðan sprettur þessi þráhyggjuáhugi á stjórnarskránni.

Stjórnarliðum er svo hjartanlega sama um lýðræðisákvæði og þjóðareign í stjórnarskrá frumvarpinu, enda hafa þau margsýnt að þau eru tilbúin að gefa þetta allt upp á bátinn fyrir inngöngu í ESB. Þau vita að við inngöngu gildir ekki lengur okkar stjórnarskrá heldur Lissabonsáttmálinn sem er stjórnarskrá evrópusambandsins, þar er ekkert ákvæði um þjóðareign okkar eða lýðræðisákvæði eins og er að finna í stjórnarskrárfrumvarpinu, sem við aðild yrði hent beint í ruslið.

Þess vegna var engin alvöru vinna lögð í stjórnarskrámálið og allt í risa pirringi núna þegar ekki gekk að henda ónothæfu plagginu í gegn til samþykktar.

Stöndum með heilsteyptri gildandi stjórnarskrá sem stendur vörð um lýðræði og sjálfstæði Íslands.

Það sem þjóðin vill er úrlausn á þjóðarmálunum, leiðréttingu á húsnæðislánum, atvinnubyggingu og lagfæringu á skattaálögum, en þar er EKKERT að gerast!!