Ísland með augum ESB

Cristian Dan Preda kemur reglulega til Íslands fyrir hönd utanríkisnefndar Evrópuþingsins vegna ESB-umsóknar Samfylkingar. Cristian er franskmenntaður Rúmeni. Stjórnmálafræðin og reynslan af einsmálsflokki á heimaslóðum gefa Cristian auga fyrir vonlausum stjórnvöldum er setja sér draumórakennda stefnu til að komast hjá því að horfast í augu við veruleikann.

Í þessari frétt segir Cristian tvennt

a) Það er ekki pólitískur vilji á Íslandi til að ganga í Evrópusambandið þar sem aðeins einn stjórnmálaflokkur berst fyrir aðild og er með afgerandi meirihluta þjóðarinnar á móti sér.

b) Innganga í Evrópusambandið byggist á aðlögun. Það er ekki hægt að stytta sér leið.

Cristian segir sum sé á kurteisan hátt að umsókn Samfylkingar sé dauðans matur.

Meira að segja húskarlar Samfylkingarinnar nenna ekki lengur að þykjast. Í annarri frétt frá Evrópuþinginu í gær kom þetta fram

Það er enginn raunverulegur áhugi á Íslandi á því að ræða um málefni Evrópusambandsins,“ segir fréttamaðurinn Þorfinnur Ómarsson í viðtali við vefsíðu Evrópuþingsins spurður að því hvenær kunni að koma að því að viðræðurnar um inngöngu Íslands í Evrópusambandið hefjist að nýju.

En auðvitað mun Samfylkingin halda áfram að flagg ESB-umsókninni. Málefnafátækt einsmálsflokksins er slík að það verður að veifa röngu tré fremur en alls öngvu.

Þarf pólitískan vilja til að ljúka viðræðunum