Ókurteis óánægja, arfleifð vinstristjórnarinnar

Ríkisstjórn Samfylkingar og VG úthýsir ánægju og kurteisi á opinberum vinnumarkaði, segja þeir sem glíma við ríkisvaldið. Almenni vinnumarkaðurinn, ASÍ og SA, nenna ekki lengur að tala við ríkisstjórnina og láta í ljós megna óánægju með fyrri samskipti. Nægir þar að nefna ókvæðisorðin sem gengu á milli Steingríms J. og Gylfa Arnbjörns í beinni sjónvarpsútsendingu.

Ríkisstjórninni mistókst í grundvallaratriðum að mynda ramma utan um endurreisnina eftir hrun. Í stað þess eltist ríkisstjórnin við illa þokkuð dellumál eins og ESB-umsókn og stjórnarskrárbreytingar. Þessi mál rjúfa friðinn í samfélaginu og þvingar fólk ofan í skotgrafirnar.

Sundurlyndisfjandinn er stríðalinn á kjörtímabilinu. Þau stjórnmálaöfl sem þykja líkleg til að koma á friði og stöðugleika verða í eftirspurn í vor.

„Ekkert hægt að vera kurteis lengur“