Árni Páll grefur undan Samfylkingunni

Árni Páll Árnason vill verða formaður Samfylkingar.  Hann lagði sig fram í Kastljósþætti að lýsa landflótta frá núverandi stjórnvöldum og að stemma yrði stigu við allsherjarhruni efnahagslífsins.

Samfylkingin reynir að potast áfram með þá stefnu að hér stefni allt í rétta átt og birtir sérstakar yfirlýsingar um það, eins og Heimssýnarbloggið vísar til.

Á meðan Árni Páll fer hamförum gegn ríkisstjórn Samfylkingar og VG er kannski óþarfi fyrir aðra að eyða púðri í að gagnrýna vinstristjórnina.