Kratar ESB-væða Sjálfstæðisflokkinn

Sérstakur aukafundur í ríkisstjórn Íslands var haldinn til að tilkynna að ESB-ferlið væri stöðvað fram að kosningum. Í yfirlýsingu ríkisstjórnarinnar segir í c-lið:

Varðandi þá 16 kafla sem nú standa opnir munu samninganefnd Íslands og sérfræðingar halda áfram uppi samskiptum við ESB um þá, án þess þó að kallað verði eftir frekari ákvörðunum framkvæmdar- eða löggjafarvalds.  (undirstrik. pv)

ESB-sinnar í Samfylkingunni eiga fjarska erfitt með að horfast í augu við að ferlið stöðvaðist vegna þess að ekki er stuðningur við aðild Ísland að Evrópusambandinu. Kratarnir ganga langt inn í draumalönd til að ímynda sér stuðning í Sjálfstæðisflokknum við aðild.

Andrés Jónsson fabúlerar um að Sjálfstæðisflokkurinn eftir kosningar muni snúa við blaðinu og fallast á að ljúka ferlinu  til að sjá hvað er í boði.

Andrés vill ekki skilja að lang flestir andstæðingar aðildar Íslands að Evrópusambandinu eru á móti aðild vegna þess að þeir eru andsnúnir framsali á fullveldinu til Brussel og vilja halda forræði íslenskra mála hér heima. Andrés ímyndar sér að hægt sé að kaupa fólk til fylgis við aðild á grundvelli góðra tilboða.

Ekkert tilboð frá Evrópusambandinu mun breyta eðli sambandsins. Og þeir sem hafa myndað sér skoðun á málinu hafa sæmilega hugmund um hvað aðild felur í sér. 

Athugasemdir

[Sigurður (IP-tala skráð) 16.1.2013 kl. 20:30]

Ég ætla að vona, að það steinlíði ekki yfir Pál, þótt Andrés reynist hafa á réttu að standa með Sjálfstæðisflokkinn.

[Gunnlaugur I., 16.1.2013 kl. 22:16]

Það myndi nú alveg fara með álit fólks á stjórnmála stéttinni ef að nú eftir samfellda 4ra ára misnotkun Samfylkingarinnar á Vinstri grænum, þá geti þessi eins máls flokkur Samfylkingin bara snúið sér á hægri hliðina og haldið misnotkuninni þar áfram og haldið þjóðinni áfram í gíslingu þessarar ESB umsóknar !

[Ómar Bjarki Kristjánsson, 17.1.2013 kl. 01:37]

það sem er rétt í þessu er, að margir eru að spekúlera í svokölluðu ,,fullveldi" þegar ESB ber á góma. það er í sjálfu sér rétt. Og þá er það að hugsa um að meint ,,fullveldi" einhvernginn minnki við aðild að ESB. Hvernig hugsanaferlið nákvæmlega er sem leiðir sumt fólk að þessari niðurstöðu skal ég ekkert segja til um í smáatriðum. En staðreyndin er að fullveldi landa eykst við aðeild að ESB. það er bara þannig.

þegar nánast öll lönd Evrópu eru í klúbbi þar sem þau ræða sín sameiginlegu mál og leitast við að hafa samráð og samstarf yfir landamæri - þá segir sig alveg sjálft að það land sem er fyrir utan klúbbinn hefur ekki eins mikið fullveldi og lönd innan klúbbsins. það hefur ekki tækifæri til að koma sinni rödd að eða að beita sér fyrir s´´inum sérmálum heldur er aðeins passífur viðtakandi, Sem og reynist raunin í Íslands tilfelli þessi ár þar sem EES er aukaaðild að ESB sem inniheldur að Ísland taki upp nánast öll lög frá Brössel sem send eru með faxi 1 dags hvers mánaðar.

það segir sig alveg sjálft, og þar enga mikla snilli til, að fullveldið eykst við það að fá aðkomu að setningu laga og regluverks.

[Sigurður (IP-tala skráð) 17.1.2013 kl. 02:40]

Fullveldi samkvæmt viðtekinni orðskýringu í þjóðarétti felst í því, að réttarstaða ríkis sé óháð öðrum ríkjum. Þetta er ekki flóknara, og enginn útúrsnúningur breytir því. Það að mega sitja fundi og hugsanlega hafa þar áhrif í hlutfallinu 0,07% (300.000 af 500.000.000) hefur ekkert með fullveldi að gera. Ef sú hundalógík væri einhvers virði, hefði Ísland nú þegar með aðild að SÞ og NATO meira fullveldi en hægt væri að torga. Það er hins vegar rétt hjá Ómari Bjarka, að tilskipanaflóð frá Brussel er vandamál, sem þarf að taka á og kallar á endurskoðun á meira en tveggja áratuga samningsgerð Jóns Baldvins, sem frá upphafi hefur reynzt meingölluð.

Og fyrir þá, sem treysta loforðum ESB, langar mig bara að benda á nýjustu umræðuna í Danmörku, að fyrirheit til landsins um landbúnaðarstyrki ætlar ESB nú að skera skyndilega niður um 40%, af því nýjasta tízka er að styrkja lönd í Austur-Evrópu meira en áður (nema lánin til Múslímska bræðralagsins í Egyptalandi séu farin að segja til sín í buddunni þeirra Brusselherranna). Það væri auðvitað hægt að fylla "pakkann", sem stjórnarliðið á Íslandi langar þessi ósköp að kíkja í, með fögrum fyrirheitum, sem yrðu tekin jafnharðan til baka. Það kostar ekkert að hafa SF, VG og BF að fíflum (og flokkast kannski ekki heldur undir neina breytingu).

[Helga Kristjánsdóttir, 17.1.2013 kl. 03:59]

Sigurður og ég sem treysti ekki loforðum ESB,þakka þér fyrir þessa ábendingu. Heyrði umræðu um verðlækkun á fiskafurðum í Evrópu,svíður auðvitað, að almenningur fái ekki það sem þá bráðvantar.En værum við Esb-aðilar,væri vonlaust fyrir okkur að vinna markaði í öðrum álfum,þau mál væru á hendi ESB. Við getum selt miklu meira til USA.þekki það af eigin raun.

[Ómar Bjarki Kristjánsson, 17.1.2013 kl. 18:49]

það sýnir vel hve þetta er opið og teygjanlegt hugtak, að fólk veit ekkert hvernig á að skilgreina það ogbýr til einhverja utopiu sem er alveg innihaldslaus. Réttarstaða ríkis er aldrei óháð réttarstöðu annars ríkis. það væri ávísun á eilíf illindi, deilur og stríðsbardaga. Hissa á að menn láti svona útúr sér. En aldrei skal maður vanmeta heimskubulláráttu andsinnagreyjanna.

[Sigurður (IP-tala skráð) 17.1.2013 kl. 21:18]

Ég notaði norskt fræðirit í lögfræði og bar mig saman við fleiri áreiðanlegar heimildir varðandi viðurkennda skilgreiningu á hugtakinu fullveldi. Þú kemst ekkert áfram, Ómar Bjarki, með innantómum orðum, og rökstuðningur þinn um heimsku mína og vesalmennsku afsannar ekki niðurstöður erlendra fræðimanna.

[Elle_, 17.1.2013 kl. 22:37]

Ómar snýr fyrst og fremst út úr, með hugsanalausu orðarugli.  Svona rænir Brusseldýrkunin (og mútufé fyrir aðra orðfærari en hann) manninn öllu forræði yfir hugsunum og orðum, svo ekki sé minnst á fullveldismissinn.