Samfylkingin hætt í pólitík

ESB-umsóknin er stærsta pólitíska deilumál Íslands í seinni tíma stjórnmálasögu þjóðarinnar. ESB-umsóknin er málefni Samfylkingarinnar númer eitt, tvö og þrjú. Þegar Össur Skarphéðinsson utanríkisráðherra tilkynnir að ESB-umsóknin sé tekin úr umferð fram að kosningum til að hún verði ekki pólitískt ,,bitbein" þá jafngildir það yfirlýsingu um að Samfylkingin sé hætt í pólitík.

Fréttablaðið segir frá stórpólitískri yfirlýsingu utanríkisráðherra

Utanríkisráðherra segist vonast til þess að það að hægja á aðildarviðræðum Íslands við ESB verði til þess að forða því að ferlið verði að bitbeini fyrir komandi þingkosningar.

Samfylkingin tapaði umræðunni um ESB-umsóknina um það leyti sem hún var lögð fram, fyrir bráðum fjórum árum. Orð Össurar undirstrika hversu tapið er algert; hann þorir ekki að gera eina mál Samfylkingarinnar að kosningamáli.