Heift og heimska Vinstri grænna

Fyrir síðustu kosningar var VG eini stjórnmálaflokkurinn óflekkaður af hruninu. Með fimmtungs fylgi gat VG gert kröfu um að vera siðferðilegur og pólitískur kompáss í endurreisninni. Þegar á hólminn var komið brást forystu VG dómgreind til að vinna úr pólitíska kapítalinu sem aðstæðurnar færðu flokknum.

Í stað þess að verða leiðandi í ríkisstjórn með hrunflokknum Samfylkingunni gleypti forysta VG Evrópusambandsstefnu kratanna hráa og sýndi þar með nýfengnu umboði frá kjósendum ótrúlega fyrirlitningu. Öll saga og hefð VG, sem nær aftur til millistríðsáranna á síðustu öld, mælir gegn því að flokkurinn yrði verkfæri til að nauðga Íslandi inn í Evrópusambandi.

Heimskan í Evrópumálum var höfuðsynd VG. Til viðbótar sýndi VG sem flokkur sig algjörlega vanhæfan til að verða ábyrgt stjórnmálaafl sem ætti erindi í stjórnarráðið nema þá undir afar sérstökum kringumstæðum, - eins og ríktu hér rétt eftir hrun. Ábyrgur stjórnmálaflokkur sýnir tilburði til að geta unnið með öðrum stjórnmálaöflum. 

Í ríkisstjórn átti VG vitanlega að sýna Sjálfstæðisflokknum og Framsóknarflokknum eðlilega kurteisi með það í huga að það kemur kjörtímabil eftir þetta. Til að virðast stjórntækur þarf flokkur að eiga snertifleti við aðra. VG var í kjörstöðu til að rækta slíkt samband en gerði ekkert til þess heldur lét heiftina ráða. Samfylkingin notfærði sér einþykkni VG ásamt valdagræði forystunnar til að gera flokkinn að böðlinum í eineltinu gagnvart Geir H. Haarde.

VG nýtist hvorki sem andstöðuflokkur, sem hann er að upplagi, vegna þess að hann seldi helgustu prinsippin sín né samstöðuflokkur þar sem flokkurinn elur á sundurlyndi.

VG er pólitísk ruslahrúga.

Bjarni farinn úr VG

Athugasemdir

[Hilmar (IP-tala skráð) 30.11.2012 kl. 08:10]

VG er stjórnað af illgjörnu fólki. Hefur í sjálfu sér lítið með stjórnmálastefnu að gera. Það var ágætt fólk í VG, en það er horfið. Eftir stendur lið lítilla sæva og sanda.

Ísland er að færast í eðlilegt horf. Eftir næstu kosningar verður búið að leiðrétta prósentumistökin. VG verður aftur 10% flokkur, áhrifalaus, með vonda stefnu, stjórnað af vondu fólki.

Sem betur fer stendur lýðræði sterkum fótum, annars yrði næsta kjörtímabil keppni um það, hvor væri meiri hönk, Steingrímur Il, eða Kim Jong.

[Ómar Bjarki Kristjánsson, 30.11.2012 kl. 08:18]

það er nú munur en ást og viska ykkar.

[Elín Sigurðardóttir (IP-tala skráð) 30.11.2012 kl. 10:06]

Þið keppist við að búa til tvö lið. Þetta er allt sama ruslið. Mestu aumingjarnir verðlauna forystuna og herja á óharnaða unglinga á sama tíma.