Aldur stjórnarskrárinnar eru bestu meðmælin

Aðgerðasinnar, sem vilja stjórnarskrá lýðveldisins feiga, tefla fram þeim rökum að stjórnarskráin sé of gömul og þess vegna verði að breyta henni. En aldur stjórnarskrárinnar eru einmitt bestu rökin fyrir því að við eigum ekki að stokka hana upp.

Stjórnarskrá á að standast tímans tönn. Tískusveiflur í pólitík og lagatúlkun eiga ekki að hrófla við stjórnarskrá.

Stjórnarskrá sem lifað hefur heimastjórn, sambandsslit við Danmörku og stofnun lýðveldis er vitanlega sönnun þess að vandséð er hvernig grunnlögin geti orðið betri.

Athugasemdir

[Haukur Kristinsson (IP-tala skráð) 31.8.2012 kl. 11:53]

"Stjórnarskrá á að standast tímans tönn", skrifar Páll, iðinn að venju.

Minnir á skrif hans um glóperuna, sem ekki má hrófla við. Skal standast tímans tönn, ekki vera háð neinum tískusveiflunum.

Afturhaldssemi "pure". Hvað er eiginlega að innbyggjurum?

[Helga Kristjánsdóttir, 31.8.2012 kl. 13:04]

Stjórnarskráin er sameiginlegt heit þegna þjóðríkisins Íslands,um að verja fullveldi þess. Það getur aldrei orðið gamaldags. Sannir Íslendingar standast Rúblur Esb. ef fullveldi Íslands er í veði.

[Elle_, 31.8.2012 kl. 21:08]

>Afturhaldssemi "pure". Hvað er eiginlega að innbyggjurum?< , segir Haukur.

Afturhaldssemi kemur ekki sígildi og styrkleika stjórnarskrárinnar neitt við.

[Elle_, 31.8.2012 kl. 21:09]

Þú hljómar samt nákvæmlega eins og Ómar Kristjánsson.  Von að hann sé oftast í hvarfi.

[Helgi (IP-tala skráð) 31.8.2012 kl. 22:02]

Sæll.

Það sem hinn ágæti HK skilur ekki er að stjórnarskráin er ekki eins og önnur lög. Það sem hann skilur heldur ekki er að stjórnarskráin kom hruninu ekkert við. Áður en við breytum stjórnarskránni ættum við að byrja á því að fara eftir henni en talsvert vantar upp á það. Svo nokkrum áratugum síðar má ræða það að breyta henni.

Það fólk sem nú hefur verið að krukka í stjórnarskrána gerir það umboðslaust, það hlaut ekki kosningu til þess. Það fólk ákvað einnig að líta alveg framhjá dómi hæstaréttar. Fólk sem snýr blinda auganu að hæstaréttardómi er einmitt ekki rétta fólkið til að fikta í stjórnarskránni.

Ég sá einhvers staðar að einn spekingurinn þar telur að í stjórnarskrá eigi heima ákvæði um lausagöngu búfjár. Þetta segir ansi mikið um hæfni þessa fólks.

Engin sannfærandi rök hafa komið fram um það hvers vegna breyta þarf stjórnarskránni.

[Elle_, 31.8.2012 kl. 22:07]

Seinna comment mitt að ofan var ekki ætlað Helgu eða Páli, bara svo það komi fram, heldur Hauki.  Held oft að hann sé Ómar Kristjánsson og þoli skot mannsins ekki.