ESB-umsóknin, Jóhanna og tortímandi stjórnmál

ESB-umsóknin splundraði þingflokki Vinstri grænna á kjörtímabilinu. Í vetur er líklegt að umsóknin kljúfi flokkinn enn frekar. ESB-umsókin var samþykkt á fölskum forsendum, eins og Erna Bjarnadóttir rekur í grein sinni.

Í orði þykist Jóhanna Sigurðardóttir styðja ESB-umsóknina, samanber ummæli hennar í RÚV. Stuðningur Jóhönnu er þó ekki við umsóknina sjálfa heldur tortímingarmátt ESB-málsins.

Þorsteinn Pálsson er ESB-sinni og þekkir málið innan frá sem trúnaðarmaður Össurar. Þorsteinn skrifar um helgina í Fréttablaðið og segir Jóhönnu alls ekki vinna að framgangi umsóknarinnar, heldur þvert á móti. Þorsteinn segir

Allir vita að tvíhliða fríverslunarsamningur við Kína er ósamrýmanlegur Evrópusambandsaðild. Þegar forsætisráðherra Kína kom í opinbera heimsókn nýlega lagði forsætisráðherra ofurkapp á að slíkur samningur yrði undirritaður áður en botn fæst í Evrópuviðræðurnar. Hvaða skilaboð voru send með því?

Jóhanna býr ekki að neinni sannfæringu í ESB-málinu og hún talar aldrei fyrir framgangi umsóknarinnar í samhengi við langtímahagsmuni Íslands. Jóhönnu finnst aftur á móti afar gott að grípa til umsóknarinnar til að berja á Vinstri grænum.

Spurningin er hversu lengi Vinstri grænir ætla að sitja undir tortímandi pólitík Jóku Machiavelli.

Umsóknin um aðild að Evrópusambandinu

Athugasemdir

[Jón Sveinsson, 21.8.2012 kl. 16:00]

Steingrímur yfirgefur ekki sitt Sófaráðuneiti skiptir ekki máli hvað Jóhanna segir eða ekki því þegar hann hefur sófaráðuneiti þá getur hann lagt sig og snúið sér á hina hliðina þegar jóka malar.ég sleppi ekki mínum mínum mínum ráðuneitum.......

[jonasgeir (IP-tala skráð) 21.8.2012 kl. 16:07]

Steingrímur er siðlaus ósannindamaður samanber bara t.d. Icesave meðhöndlunina ásamt auðvitað fleiri dæmum.

Slíkir geta verið J'ohönnu varasamir ef þeir hætta að urra...

[Rósa (IP-tala skráð) 21.8.2012 kl. 17:25]

Forsætisráðherratíð Jóhönnu hefur snúist upp í harmleik.

Mér finnst átakanlegt og sorglegt að fylgjast með henni.

[Helga Kristjánsdóttir, 21.8.2012 kl. 22:17]

Mætti alveg hugsa sér að einhver hinna frábæru listamanna setti upp söngleik (tragedyu) með því efni. Það væri einskonar áfallahjálp,eftir allt sem þjóðin er búin að líða.

[Helga Kristjánsdóttir, 21.8.2012 kl. 23:04]

( Tragikomedia!!! )