Morgunblaðið skiptir máli

Einu sinni var Morgunblaðið það sem heitir á útlensku ,,paper of record." Slíkar útgáfur voru hverju þjóðfélagi nauðsynlegar alla 20 öldina. Eftir að netið kom til sögunnar færðist áhersla dagblaða frá því að vera altækir fréttamiðlar yfir í að vera umræðuvakar meðfram því að segja fréttir.

Til að dagblað sé umræðuvaki þarf það að taka afstöðu til málefna líðandi stundar svo að eftir sé tekið. Blaðið þarf að standa fyrir eitthvað enda gefur gildismatið útgáfunni karakter. Morgunblaðið er þannig blað í dag.

Morgunblaðið skiptir máli og það sést á reglulegum tilraunum fólks úr Samfylkingunni, Vinstri grænum og samfylkingardeild Sjálfstæðisflokksins að vekja andúð á blaði allra landsmanna.

Athugasemdir

[Rósa (IP-tala skráð) 8.8.2012 kl. 20:37]

Neibb, því miður er það ekki rétt.

Kaupi blaðið af gömlum vana, það er ennþá skárra en Baugsbleðillinn.

Mogginn var gott blað en er það ekki lengur.

Skortir bæði fyrri breidd og dýpt.

[H.T. Bjarnason (IP-tala skráð) 8.8.2012 kl. 21:19]

Það er bara verst að við hin sem nennum ekki að taka þátt í sandkassanum fáum ekki þá fjölmiðla sem við eigum skilið.  Eftir 30 ára áskrift hætti ég að kaupa Moggann af þeirri einföldu ástæðu að blaðið veitti mér ekki hlutlægar upplýsingar um fréttnæma atburði.

[Sólbjörg, 8.8.2012 kl. 21:28]

Morgunblaðið skiftir gríðarlega miklu máli og er um margt afbragðs gott blað. Að auki eina fréttaveitan að ég best veit sem veitir rými fyrir allar skoðanir. Ritstjórnargreinarnar Morgunblaðsins eru oft svo snilldarlega vel skrifaðar, hnitmiðaðar og beittar að þær eru það fyrsta sem ég fletti upp á og les, þannig var það nú ekki áður fyrr.

[Elín Sigurðardóttir (IP-tala skráð) 8.8.2012 kl. 22:06]

Eftir að netið kom til sögunnar hefur áhersla verið lögð á að þagga niður alla umræðu. Þannig skrúfuðu eyjan og smugan fyrir athugasemdir og komu svo með facebook tengingar sem er sér í lagi fyndið þar sem smugan á í hlut. Mogginn fær plús fyrir að sleppa facebook tengingum.

[Elle_, 8.8.2012 kl. 22:39]

Mogginn skiptir miklu máli.  Einum of mikið af pirrandi málvillum og prentvillum samt.  En ekkert miðað við Brussel-bleðlana og hina óvönduðu miðlana.  Við bloggarar getum verið afsökuð fyrir villur en ekki alvöru-fréttamiðlar eins og Morgunblaðið.

[Elle_, 8.8.2012 kl. 22:44]

Með villum var ég að meina netmiðilinn og endrum og sinnum prentmiðilinn.

[Jón Baldur Lorange, 8.8.2012 kl. 23:00]

Rétt hjá þér, Páll, og gott hjá þér að vekja athygli á þessu. Morgunblaðið skiptir máli. Umræðan um Icesave, svo dæmi sé tekið, hefði verið ansi einsleit ef Morgunblaðið hefði ekki komið út. Sama er að segja ESB umræðuna. Þá fjallar Morgunblaðið reglulega og með jákvæðum hætti um íslenskan landbúnað og íslenska bændur svo eftir er tekið.

[Jónas (IP-tala skráð) 9.8.2012 kl. 10:18]

Aldrei nokkur tíma getur þú sagt orð af viti Páll.