2007-áform Nubo-fólksins

Kínverjinn Nubo og fólkið í kringum hann ætlar að leggja undir sig Norðausturland svona eins og það leggur sig. Upp á hálendinu verður kínversk nýlenda með flugvelli og fínerí; við ströndina hafskipahöfn með 15 þúsund innbyggjurum sem enginn veit hvaðan eigi að koma.

Af ruglumræðunni um stórveldisdrauma Nubo-fólksins og ginnkeyptum sveitarstjórnarmönnum virðist ekki allt með felldu í landshlutanum.

Lærdómurinn sem þjóðin dró af útrásinni og hruninu virðist ekki hafa náð til Norðausturlands. Ætli þurfi að gefa út rannsóknaskýrslu alþingis á mandarín?

Keppi við Súez-skurðinn

Athugasemdir

[Haukur Kristinsson (IP-tala skráð) 24.7.2012 kl. 09:51]

Held að Páll hafi nokkuð til síns máls.

Mér líst ekki á þetta brölt.

[Guðmundur Brynjólfsson (IP-tala skráð) 24.7.2012 kl. 10:28]

Heill og sæll, Páll

Nei, mér líst heldur ekki á þetta brölt og þarna er margt undarlegt, svo vægt sé til orða tekið.

 http://blogg.visir.is/gb/2012/07/24/ur-forsi%c3%b0ufrett-morgunbla%c3%b0sins/

[Tryggvi Helgason, 24.7.2012 kl. 13:10]

Í sambandi við þessar hugmyndir, um þessa fjarlægu, hugsanlegu möguleika til siglinga milli Atlantshafs og Kyrrahafs, norðan Síberíu, - er ekki hið eina rétta í því máli að bíða í rólegheitum eftir því að fyrsta flutningaskipið komist hjálparlaust þessa leið, ... fullhlaðið ? Hvernær verður það, - eftir 20 ár, 50 ár eða 150 ár ?

Þegar farið var að bora eftir olíu á norðurstönd Alaska, ... það er áður en olíuleiðslan var lögð, ... var athugað hvernig best væri að flytja olíuna. Var olíuskip sent norður fyrir Alaska. Þar var sett um borð ein tunna með olíu og síðan farið í austur norðan Kanada með hjálp ísbrjóta. Skipið komst alla leið, en niðurstaðan var sú að þessi flutningsleið væri vonlaus. Þá var ráðist í það að leggja stóru olíuleiðsluna þvert yfir Alaska.

[Benni (IP-tala skráð) 24.7.2012 kl. 13:12]

Annað hvort er Nubo heimskur eða að kanna heimsku okkar. Golfvöllur uppi á hálendi!!!!!!!!??????!!!!!!!!!!

[Benni (IP-tala skráð) 24.7.2012 kl. 13:21]

Tryggvi. Það er skiljanlegt að þeir hættu við. Heimskingjarnir, að fatta ekki að fylla skipið af olíutunnum.

[Tryggvi Helgason, 24.7.2012 kl. 14:10]

Benni, ... þessi eina tunna var sett um borð með mikilli viðhöfn og átti að verða táknræn fyrir væntanlega olíuflutninga. Ekki var talið þorandi að fylla skipið með olíu, ef illa tækist til og skipið strandaði. Því eins var farmurinn bara ein tunna með olíu, ... enda var þetta olíuflutningaskip, ... ekki satt !!!

[Snorri Hansson, 24.7.2012 kl. 17:11]

Fyrir utan fræðandi athugasemd Tryggva Helgasonar er pistillinn hér fyrir ofan og annað sem þar stendur, illgirnislegt svartagallsraus. Hafið skömm fyrir.

[Elle_, 25.7.2012 kl. 00:15]

Hvaða illgirni voru efasemdir eins og frá Guðmundi að ofan?  Talandi um skömm, það væri fásinna og skömm að hleypa þessum manni inn á Grímsstaði í tæpa 1/2 eða tæpa 1 öld.