Lúkas, Snorri og stofnanavædd múgsefjun

Hundurinn Lúkas hvarf á Akureyri fyrir nokkrum misserum. Sú saga komst á kreik að nafngreindur maður hefði fangað hundinn kvalið og deytt. Maðurinn sór af sér sakir en var ekki trúað og ofsóttur sem illmenni. Seinna kom Lúkas af fjalli og allt féll í dúnalogn í Eyjafirði og enginn lærði neitt.

Snorri í Betel varð fyrir lúkasarmisþyrmingu í æðra veldi þar sem skólayfirvöld létu undan múgsefjun um að reka barnakennarann Snorra sökum þess að hann hafði hinsegin skoðun á hinsegin fólki.

Akureyringar verða að taka sér taki og láta af samfélagslegum móðursýkisköstum.

Hannes Hólmsteinn styður Snorra

Athugasemdir

[Rósa Aðalsteinsdóttir, 18.7.2012 kl. 14:23]

Bæti þessu við fyrst þú minnist á Lúkasarmálið. http://www.pressan.is/frettir/lesafrett/yfirmadur-barnaverndar-sakadur-um-kynthattafordoma---hvad-mun-akureyrarbaer-gera-i-malinu

Kær kveðja/Rósa

[Helga Kristjánsdóttir, 18.7.2012 kl. 15:12]

Hættum nú þessum skrípaleik,nær væri að einbeita sér að vinna harðar gegn eiturlyfjasölu,en láta blásaklausan kennara gjalda fyrir skoðanir sínar.

[Sigurður Rósant, 18.7.2012 kl. 15:59]

Frá mínum bæjardyrum séð, stendur Snorri nokkuð vel gagnvart núgildandi lögum um réttindi og skyldur opinberra starfsmanna, hegningarlögum og ákvæðum annarra lagabálka um trúfrelsi og skoðanafrelsi.
Hins vegar er hann ásamt fleirum farinn að dragast aftur úr í "tíðarandandum", sem kennir okkur í dag að við eigum að stilla dómhörku okkar í hóf hvað varðar aðra en þá sem eru ekki sömu trúar og við.
Þannig myndi t.d. flestum þykja hlægilegt ef Snorri hefði ávarpað verslunarstjóra í áheyrn nokkurra viðskiptavina, eitthvað á þessa leið: „Kjarninn í sjónarmiði evangelískra er sá að vinna á helgidögum telst vera synd. Syndin erfir ekki Guðs ríkið og því óæskileg. Laun syndarinnar er dauði og því grafalvarleg.“
Þessi orð hefðu verið talin góð og gild og í samræmi við trú og viðhorf almennings fyrir aðeins 60 árum hér á landi og víðar í Evrópu og Norður-Ameríku, giska ég á.
En nú er öldin önnur. Flestir sem vilja, hafa verslanir sínar opnar á helgidögum, nema einstaka trúaðir eða afturhaldssamir einstaklingar.
Margt annað en samkynhneigð telst synd hjá evangelískum og þá sér í lagi minni söfnuðum evangelískra. Í söfnuði Snorra telst t.d. synd að leita til miðla í von um samband við framliðna, fullyrða að Jesús hafi aldrei verið til, fullyrða að Jesús hafi lifað af krossfestinguna, fullyrða að Guð sé ekki til, fullyrða að Biblían sé úrelt til siðfræðkennslu og best geymd í flokki þjóðsagna á bókasöfnum o.s.frv.
Í sambandi við innlegg Snorra á blog.is má hins vegar segja að enginn hafi verið særður, nema þá kannski einhver í hinni Evangelíum Lúthersku kirkju (þjóðkirkjunni). En börn og unglingar lesa ekki þessi skrif fullorðinna á blogginu eftir því sem ég hef best séð. Það breytir þó ekki alvarleika þessa gjörnings Snorra. Ef Snorri talar t.d. í þessum dúr við safnaðabörn í eigin söfnuði, sjáum við að hann er í stöðu sem ekki sæmir "tíðarandanum". Börn og unglingar apa eftir forystusauðnum og geta sleppt þessum "sannindum" út úr sér, sem veldur svo kannski öðrum hugarangri.
Snorri ætti því ekki aðeins að vera sviptur kennarastarfi sínu, heldur einnig hlutverki sínu sem safnaðarhirðir eða málpípa á samkomum Hvítasunnusafnaða. Það er kominn tími til að nútímamaðurinn segi - hingað og ekki lengra - við frelsi trúaðra til að innræta saklausum börnum og unglingum þvílíka fyrru sem hér er tæpt á. Hugtakið trúfrelsi þarf að skilgreina miklu þrengra en nú er gert. Trúaðir ættu m.ö.o. ekki að hafa rétt til þess að innræta börnum sínum eða annarra, sínar eigin trúargrillur, fyrstu 18 ár barna eða ungmenna.
Semjendur barnaverndarlaga og barnasáttmála mættu hafa það í huga.

[Óskar Arnórsson, 18.7.2012 kl. 16:57]

´Mál Snorra er síður enn svo neitt Lúkasarmál eins og blaðamaðurinn Páll heldur fram.

Þetta snýst um hvort leyfa eigi manni með snarundarlega og forneskjulegar skoðanir sem særa nemendur sem bara þurfa að vita af því til að komast í vörn gegn honum.

Snorri fær sér bara öðruvísi vinnu og svo má hann trtúa því að jörðin sé flöt og hvað sem honum sýnist í friði.

[Steinarr Kr. , 18.7.2012 kl. 17:35]

sigurður Rósant er hér með tilnefndur til pólitísku rétthugsunarverðlaunanna.

[Rósa Aðalsteinsdóttir, 18.7.2012 kl. 17:46]

http://www.mbl.is/frettir/kosning/2012/06/29/baratta_byggd_a_osannindum_og_nidrogi/

Davíð Þór starfar meðal barna. Er hann næstur?

[Gegn Rétttrúnaði og skoðannakúgun (IP-tala skráð) 22.7.2012 kl. 16:42]

Það skiptir lýðræðislega sinnað fólk álíka miklu máli að Snorri sé að "dragast aftur úr tíðarandanum" og það skipti það árið 1944 í Þýskalandi ef menn "fylgdu ekki tíðarandanum", en þá var farið með fjölda manns fyrir að hafa vitlausar skoðanir, til dæmis kommúnisma, beint í gasklefann. Þið talið eins og hinir verstu fasistar og ættuð að skammast ykkar. "Hann fær sér bara öðruvísi vinnu" segir Óskar. "Málfrelsi" það sem Óskari hugnast, er jafn mikið og merkilegt og meint "trúfrelsi" (sem þeir sjálfir kölluðu svo) undir kaþólsku kirkjunni á miðöldum, en þá máttu gyðingar, múslimar og fleiri alveg stunda vinnu, svo lengi sem hún væri ekki hjá hinu opinbera (hvað þá kennsla), nema auðvitað þeir hinir sömu gerðust kaþólikkar og væru sammála yfirvaldinu. Nú vill rétttrúnaðurinn skikka Snorra greyið til að gangast sér á hönd eða taka pokann sinn og fá sér vinnu sem þeim þykir betur hæfa "villutrúarmanni". Þetta virkar allt saklaust og sætt í fyrstu, jafnvel góðhjartað og nice (fyrir einfeldninga), ef maður hefur ekki lesið mannkynssöguna sína og veit hversu stutt er á milli tilfinningaríks gaspursins í Óskari og galdrabrennanna sem koma á eftir væmninni, þegar rétttrúnaðurinn, hver sem hann var, hefur náð yfirhöndinni algjörlega, og brýst fram með valdnýðslu og morðæði..................Það kemur að því ef við leyfum ekki þeim sem við erum ósammála að tala og hafa jafnan rétt á við hina. Minnihlutahópar, hverjir sem eru, en sér í lagi þeir sem eru illa liðnir eins og sá sem Snorri tilheyrir (mun meira en vinsælu minnihlutahóparnir sem hann er sjálfur á móti), eru hið raunverulega fjöregg lýðræðisins. Hannes Hólmsteinn er samkynhneigður sjálfur og líkar þetta mál ekki tilfinningalega frekar en ýmsum öðrum hér, en hann er hámenntaður maður og lætur ekki tilfinningarnar hlaupa með sig í gönur, ólíkt vælukellingum sem ævinlega eru fyrirboði og undanfari alls fasisma og morðæðis meirihlutans.

[Óskar Arnórsson, 22.7.2012 kl. 18:57]

Meiriháttar! Þá breyttist maður úr engu í Kaðólikka, nasista og eitthvað meira hjá Gegn Réttrúnaði og skoðannakúgun.. ;)

Sannleikurinn er að Snorri er búin að rugla málið hæfilega mikið af óþekktum orsökum. Honum var alls ekki sagt upp vegna skoðanna sinna heldur vegna þess að hann var óhæfur sem starfsmaður, segir bæjarstjóri. Þetta kom í Vísi líklega vegna allrar umfjöllunar.

Fyrst það er svo að hann var óhæfur, ekki sagt hvers vegna, þá er engin umræða eftir um hvað sé rétt eða rangt.

Enn endilega þú "Gegn Rétttrúnaði og skoðannakúgun", kallaðu mig bara fábjána og ekki Kaðólikka. Annars verð ég bara að ákveða hvort ég eigi að verða móðgaður eða ekki... ;)

[Rósa Aðalsteinsdóttir, 23.7.2012 kl. 00:46]

http://www.dv.is/frettir/2012/7/20/snorri-eirikur-hefdi-att-ad-kynna-ser-malid/

[Óskar Arnórsson, 23.7.2012 kl. 01:04]

Nú jæja,það var nú algjör óþarfi að ljúga upp á Snorra þessu. Þvílíkur bjánagangur að skrifa pappíra um þetta og neita þeim svo opinberlega...

Það var samt gott að uppsögnin var út af þessu viðhorfi sem ekki samræmis kröfum kennara barna og unglinga.