Baugur og kjötfars Jóa

Baugur lifir enn í 365-miðlum sem Jón Ásgeir sonur Jóhannesar Jónssonar stjórnar í gegnum eiginkonuna. Þar með fer fyrsti grátstafur Jóa í Bónus fyrir lítið - um að allt hafi verið hirt af þeim feðgum.

Næsti grástafur Jóa er að Baugur hafi átt fyrir skuldum. Nújæja, ef svo hefði verið, þá var bara að greiða skuldirnar og engu gjaldþroti hefði verið til að dreifa.

Þriðji grátstafurinn er að stjórnmálamenn og embættismenn bæru ábyrgð á hruninu ásamt bönkum sem drógu menn á tálar með ,,freistingum." (Og Baugsfeðgar áttu vitanlega ekkert í Glitni).

Jói lærði að gera kjötfars sem ungur maður: maður tekur tægjur og afganga, hakkar og blandar méli og út kemur söluafurð. Í Mannlífsviðtalinu býr Jói til veruleikafars.

Hefðu getað bjargað Baugi

Athugasemdir

[Birgir Gudjonsson (IP-tala skráð) 31.5.2012 kl. 13:29]

Ömulegt klór hjá honum.

Lesið bara Rannsóknaskrýrsluna !

Þar segir: Jón Ásgeir er aðal höfuðpaur í fléttuni !

Sama hvað pabbi hans vælir og þarf að þola !

[Rósa (IP-tala skráð) 31.5.2012 kl. 13:37]

Ég held að Jóhannes þessi sé ein dapurlegasta birtingarmynd hrunsins.

Beinlínis átakanlegt að fylgjast með vesalings manninum.

[Ragnhildur Kolka, 31.5.2012 kl. 13:55]

"bönkum sem drógu menn á tálar með ,,freistingum."

Dásamlegt. Er Jói búin að gleyma hvernig sonny-boy barðist um á hæl og hnakka að komast yfir FBA á sínum tíma. Var FBA að veifa "freistingum" framan í hann eða taldi stráksi að freistingarnar væru ábatasamari ef hann veifað þeim? Honum tókst reyndar, að endingu, að "kaupa" banka og þá var sko öllum freistingum sleppt lausum og ótrúlegasta fólk beit á agnið.

Ég geri Jóhannesi ekki þann greiða að lesa sjálfsréttlætingar hans. Hörmungarnar sem hann og kumpánar hans leiddu yfir þessa þjóð gefa ekki tilefni til þess.

[Haukur Kristinsson (IP-tala skráð) 31.5.2012 kl. 14:16]

Kjötfars Jói og filius bera alla ábyrgðina. Auðvitað. Alsaklausir hinsvegar Sjallarnir með afglapann Dabba í broddi fylkingar og hækjan með hann Dóra. Við skulum ekki hafa myndina of flókna, svo innbyggjarar skilji hana. 

[Sigurður Kristján Hjaltested (IP-tala skráð) 31.5.2012 kl. 14:19]

Tek undir með ykkur öllum. Ekki til snefill af sómatilfinngu gagnvart sinni  þjóð

frá þessum manni.

[Kolbrún Hilmars, 31.5.2012 kl. 15:13]

Freistingarnar urðu nú ekki öllum að falli, bara sumum.

Aðrir selja enn kjötfars að sínum hætti og hafa af því lifibrauð án þess að hafa ofmetnast.

Sumir féllu fyrir tálsýninni og keyptu hin fínustu fyrirtæki í DK, UK og víðar. Skemmtisnekkjur, einkaþotur, lúxusvillur og glæsiíbúðir úti um víðan völl. Gleðikonur og gull í mat, er haft fyrir satt líka.

Það eru einmitt þessir sumir sem skrækja hæst í dag!

[jonasgeir (IP-tala skráð) 31.5.2012 kl. 16:12]

Það er nú bara fyndið að Haukur skuli kenna Davíð um að Jóhannes hafi í gegn um rekstur sinn sett heimsmet í skuldsetningu og lánsfjármagnaðri yfirtöku hér og þar.  Og þannig verið helsti hrunvaldur íslensks efnahags.

Og grátlegt að nokkur einasti maður skuli lesa sjálfsvorkun manns í afneitun persónuleikabrenglaðs.  Manns með klukkuklár einkenni psykopata.

[Kolbrún Hilmars, 31.5.2012 kl. 16:41]

Það fer nú að verða tímabært að fría Davíð af þessum krataáróðri.  Og kveða niður hatursdrauginn sem hefur meira með Davíð að gera persónulega en sjálfstæðisflokkinn sem slíkan.

Davíð er erkióvinur Sollu frá skólaárunum í MR, síðar í borgarstjórn.  Þessi ó-vinskapur hefði aldrei átt að ná inn á Alþingi. En  þessi einkaóvild - persónuleg sem hún er og af hverju hún stafar svo sem? - er enn að brengla pólitíska umræðu í landinu.  Hvorugt þeirra er lengur þátttakandi í íslenskum stjórnmálum.

Hvað er eiginlega að fólki?

[Kalli Sveinss (IP-tala skráð) 31.5.2012 kl. 18:06]

Hafa allir steingleymt stærstu skuld Íslandssögunnar ??

 ÞÚSUND MILLJARÐAR ! Já, og óuppgert !

 " Skylt er skeggið hökunni". ( Jói & strákurinn !)

[óli (IP-tala skráð) 31.5.2012 kl. 18:52]

þetta kvikindi og sonur hanns eru siðblindir menn. þeir tóku lán og lán og svo meiri lán. Sem var alveg í lægi nema bara að þeir gátu ekki borgað lán sín til baka. Geti menn það ekki þá missa menn eignir sínar. þannig er það og þannig á það að vera..

[Sigurður (IP-tala skráð) 31.5.2012 kl. 22:45]

Ótrúlegt hvað Jói er í mikilli afneitun!  Eða kannski ekki því að siðblindari menn heldur en feðgarnir eru vandfundnir.

[Helga Kristjánsdóttir, 1.6.2012 kl. 01:06]

Hvað erðetta að ykkur,hann hafði fyrir flokki að sjá ,stórum gráðugum botnlausum,,,,,,,,.

[Anna Sigríður Guðmundsdóttir, 1.6.2012 kl. 01:16]

Jói í Bónus kunni þó að búa til kjötfars, sem fátækt fólk á Íslandi hefur verið alið upp á, því ekki höfðu fátæklingarnir sviknu, kaupmátt til að kaupa ekta steikur.

Það er tímabært að athuga hvers vegna stór hluti launþega hafði einungis kaupmátt til að kaupa kjötfars!

M.b.kv.