ESB-umsókn á að afturkalla

ESB-sinnar í Samfylkingunni, Árni Páll til dæmis, og svikulir þingmenn VG, Svandís Svavarsdóttir er dæmi, ætla að sameinast um að dengja á þjóðina ESB-umsóknarklúðri naums meirihluta alþingis frá 16. júlí 2009.

Árni Páll, Svandís og aðrir þykjustulýðræðissinnar reyna að fela sín mistök í kröfu um þjóðaratkvæði stöðu ESB-umsóknarinnar í dag.

Alþingi á að afturkalla ESB-umsóknina enda hún reist á svikum Vinstri grænna, eins og Svandís staðfestir með orðum sínum á þingi í dag. Þegar búið er að afturkalla umsóknina má ræða næstu skref í málinu.

Vill kjósa um ESB næsta vor

Athugasemdir

[Sleggjan og Hvellurinn, 18.5.2012 kl. 12:50]

Eru NEI sinnar orðn hræddir við of góðan samning og vilja svifta þjóðinni kosningarétti.

Það er greinilega eingin takmörk í að toppa vitleysuna þarna í Heimssýn.

[Seiken (IP-tala skráð) 18.5.2012 kl. 13:49]

Sleggjan og Hvellurinn.

Ég held að þið já-sinnar ættuð að hafa meiri áhyggjur af því hvort að þið náið einhverjum samningum yfir höfuð áður en þið byrjið að baða ykkur í fögnuði yfir samningum sem eru svo góðir að kjósendur vilji ganga í sambandið tvisvar.

Sem nei-sinni þá vil ég stöðva þetta ferli áður en allt tjónið af því verður innleyst.  Það gleymist yfirleitt í þessari umræðu hverju búið er að fórna til bara til þess að fá sambandið til þess að taka umsóknina til greina.

Ég minni á að sleikjugangur við kröfuhafa með tilheyrandi tjóni fyrir hagkerfið, uppbygging bankana og Icesave samninga martröðin eru allt hlutir sem hafa fyrst og fremst mótast af kröfum sambandsins. Því miður þá skiptir þetta tjón hundruðum milljarða.

Það er eitt að hafa áhuga á að ganga í sambandið en annað að fara út í umsóknarferli með risastór ágreiningsmál óleyst á milli Íslands og ESB. Að bíða með umsókn þar til tekist hefði að greiða úr ágreiningi hefði verið kænska hjá samfylkingunni. Því miður þá er það sennilega það sem sá flokkur á minnst af.

[Sleggjan og Hvellurinn, 18.5.2012 kl. 13:56]

"sleikjugangur við kröfuhafa"

Er það tengst ESB umsóknina. Og ég veit ekki betur en það hefur ekki veirið neinn sleikjuskapur við kröfuhafa... bankarnir féllu og kröfuhafar töpuðu mörg þúsund milljörðum.

"uppbygging banka" 

er það alltíeinu orðið slæmt? er best að hafa ekkert bankakerfi hér á landi? ég skil ekki svona rök. alveg útí hött.... svo hefur þessi uppbygging banka ekkert með ESB umsókn að gera. ... 

 það er greinilegt að þið NEI sinnar hafa ekki hugmynd um hvað þið eruð að tala.....  hvað er málið?   um hvað eruði að tala á þessum heimssýn fundum.   kannski maður kiki einhvertímann á þennan trúarsöfnuð til þess að skilja þessa þvælu.

[Helga Kristjánsdóttir, 18.5.2012 kl. 14:32]

Veistu Sleggja,ég er að tala um fullveldi Íslands. Hvað ert þú að tala um? við erum búin að segja ykkur þetta æ oní æ,rökin veistu frá fyrstu dögum deilu okkar.Síðan hefur opinberast vanmáttur E-sambandsins og tilgangur,sem var aldrei geðslegur né eftirsóknarverður,það hafa okkar færustu og mestu hagfræðingar sýnt fram á. Þjóðhöfðingi okkar hefur séð þetta,Davíð Oddsson einnig,hverjir eru stærri á vellinum undanfarin ár. Það er bráð-aðkallandi að hætta viðræðum,að leysa vanhæfa stjórn frá völdum og kjósa,þið eruð mikill minni hluti og komist ekki upp með að nota esb. mútufé til að koma okkur inn í apparat með gjaldmiðil á fallandi fæti.Við getum bjargast betur með krónu enn um sinn.

[Kalli Sveinss (IP-tala skráð) 18.5.2012 kl. 15:09]

Nú er lag !

 Taka krakkana ( Árna & Svandísi) á orðinu.

 Stjórnarandstaðan ( Sjálfstæðisflokkur  & Framsóknarflokkur) eiga að koma með - eins og skot - tillögu um niðurfellingu á ESB., umsókninni.

 Það hefur lengstum reynst best , að hamra járnið meðan það er heitt !

 Að hika er sama og að tapa !

[Kolbrún Hilmars, 18.5.2012 kl. 15:11]

Ég hefði búist við því að þetta hjal um "of góðan samning" við ESB hefði hljóðnað nú uppá síðkastið þegar hryllingssögurnar frá sambandinu upptaka flesta fjölmiðla heimsins.

Hvað er annars "OF góður samningur"?

[Seiken (IP-tala skráð) 18.5.2012 kl. 15:29]

Sleggja+Hvellur.

a) Bankakerfið var endurreist eftir fundahöld með Hollendingum, Bretum og Deutsche bank.  Í framhaldinu var gefið út skuldabréf í erlendri mynt fyrir hönd nýja Landsbankans og lagt inn í þrotabúið.  Í þessu samhengi er ágætt að hafa það í huga að nýji bankinn á ekki eignir í erlendri mynt sem réttlæta þessa ráðstöfun. Ég sé ekki betur en að þetta hleypi þessum kröfuhöfum framhjá höftunum á mjög óhagstæðu gengi fyrir þjóðarbúið.

b) Eftir þessi fundarhöld var horfið frá því að byggja upp bankakerfið eins og upphafleg fyrirmæli FME eftir setningu neyðarlaga kváðu á um. Þess í stað voru þrotabúunum afhentir nýju bankarnir og gert kleift að hámarka innheimtur. Afleiðingarnar eru skelfilegar. Næstum fjórum árum eftir hrun sér ekki til lands við úrvinnslu skuldamála heimila og fyrirtækja.

c) Vaxtastig i landinu er allt að drepa og virðist í fljótu bragði vera haldið uppi til þess að tryggja kröfuhöfum og jöklabréfaeigendum bestu ávöxtun á byggðu bóli ef marka má ummæli seðlabankastjóra. 

Þetta er nú bara til þess að nefna eitthvað en þar fyrir utan þá greindi Geir H. frá því að Barrosso hafi hringt í hann og beðið hann um góðan vind fyrir evrópska kröfuhafa í þrotabú gömlu bankana.  Það blasir við að samfylkingin var mikið í mun að verða við því til þess að umsókn í sambandið fengi góðar viðtökur.  Það er svo sem ekki ósvipað því og þegar einstaklingar fremja ódæði til þess að sýna fram á að þeir séu verðugir meðlimir í glæpagengjum. 

[Anna Sigríður Guðmundsdóttir, 18.5.2012 kl. 16:33]

Svandís Svavarsdóttir ESB-"jafnaðarkona" í Vinstri Grænum, reynir að teygja og toga lopann hans Svavars Gestssonar ESB-starfsmanns, gegn almenningi á Íslandi.

Lengi getur vont versnað Svandís mín. Sérðu ekki hvert ESB-gríman er komin, eða réttara sagt farin? Þetta er búið spil hjá ESB í þeirri blekkingar-glansmynd, sem farið var af stað með sumarið 2009. Um það geta allir verið sammála, ef þeir eru sanngjarnir og réttlátir.

M.b.kv.

[Sigurður (IP-tala skráð) 18.5.2012 kl. 17:53]

Sammála Páli, að það á að efturkalla umsóknina að ESB. Ekkki er nóg að gera hlé á viðræðum, eins og til dæmis landsfundur Sjálfstæðisflokksins ályktaði árið 2011. Hið síðara býður bara heim tortryggni, að hlutirnir verði kallaðir eitthvað annað en aðlögunarviðræður, til dæmis samráð eða gagnleg nýmæli, allt eftir ESB-geðslagi einstakra ráðherra á næstu árum. Það dugir ekki.

Sami landsfundur var harla ánægður með EES-samninginn, og sjálfsagt hafa margir fundarmenn ekki áttað sig á, hvað hann þrengir mikið að sjálfræði landsins. Það hefur komið betur í ljós á þeim tíma, sem síðan er liðinn, meðal annars eftir umræður þess efnis í Noregi. Nauðsynlegt er að hugsa það mál upp á nýtt. Mér býður mjög í grun, að hinn tveggja áratuga gamli samningur sé svo gallaður, að ekki verði við hann óbreyttan unað, og önnur úrræði séu ekki bara viðunandi heldur heppilegri, sé á allt litið, ekki sízt fullveldi og þar með sjálfstæði landsins. Auk þess hvet ég til, að reynt verði að dreifa viðskiptum landsmanna í fleiri áttir, eins og mjög var gert fyrr á árum, því að nú beinast þau í hættulega miklum mæli að hinu hripleka ESB.

[Elle_, 18.5.2012 kl. 21:19]

Hvað ég er sammála Seiken þarna í lokin.  Glæpir hafa verið framdir gegn þjóðinni.  Hvað verður gert við fólkið sem stóð að þessu?? 

Og svo á að afturkalla umsóknina, slíta stjórnmálasambandi við Brussel og koma stjórnarflokkunum frá völdum.

[Elle_, 18.5.2012 kl. 21:41]

'Gagnleg nýmæli'?:)  Já, öllum bolabrögðum er beitt af þessu liði.

[Elle_, 18.5.2012 kl. 21:47]

Og eftir að stjórnarflokkunum verður komið frá völdum og eftir að þau hafa verið sótt fyrir landsdómi eða sakadómi ættu borgarar landsins að höfða skaðabótamál vegna hinnar svokölluðu 'endurreisnar' bankanna, vegna blekkinga og eyðslu í Brusselfáráðið og vegna ICESAVE.

[jonasgeir (IP-tala skráð) 18.5.2012 kl. 22:33]

Samfylkingin verðugur meðlimur glæpagengja með íslendingssílin með í poka.

Vel orðað og rökstutt Seiken.

[Benedikta E, 18.5.2012 kl. 22:40]

Afturkalla aðildarumsóknina að ESB - STRAX - enda var þetta tóm blekkingar umsókn - það var aldrei talað um "aðildarumsókn" í þinginu þegar umræðan um ESB fór þar fram - það var talað um umsókn um viðræður við ESB og um það fór atkvæðagreiðslan í þinginu - en í hraðpóstinum til Brussel var það orðið að "aðildarumsókn"

Einnig á Ísland að segja sig úr Schengen - STRAX - Ísland á líka að segja sig úr EES - STRAX - Svo þarf að losa þjóðina við Jóhönnustjórnina ekki seinna en - STRAX - !!!

[Benedikta E, 18.5.2012 kl. 22:45]

Enga breytingu á Bessastaði - Kjósa forseta Íslands - Herra Ólaf Ragnar Grímsson áfram í embætti forseta Íslands með yfirburða-kosningu.

[Jón Jón Jónsson (IP-tala skráð) 19.5.2012 kl. 02:59]

Seiken afhjúpar blekkingarnar og setur málin í rökrétt samhengi.

Og enn og aftur vil ég vara við evrópskum skuldabréfum Bjarna Ben!

Skiptigengisleið Lilju er hin eina rétta leið, ef allur almenningur vill

komast aftur til bjargálna, í stað þess að láta ræna sig vinstri hægri!

Ný-krónu og skiptigengisleið Lilju er eina heiðarlega uppgörs-leiðin

eftir óstjórn allra samtryggðra og samfylktra hrun-flokkanna.

[Jón Jón Jónsson (IP-tala skráð) 19.5.2012 kl. 03:24]

Annars er þessi vinstri hægri moðsuðupólitík gömlu samtryggðu og samspilltu orðin einn geggjaður brandari

og ekki síst með hina svokölluðu vinstri flokka sem nú vilja helst verða fedaeralískt alræðis USE, útibú frá fedarísku raf-seðlaprentfabrikku auðræðis Wall Street hrægammanna í USA

... stefna þessir vitleysingjar þá að Keflavíkurgöngum gegn sjálfum sér????

[Jón Jón Jónsson (IP-tala skráð) 19.5.2012 kl. 04:07]

Treystið aldrei afturbatapíkum allaballanna! Alltaf sama plútókreisíið!

[Elle_, 19.5.2012 kl. 11:44]

> ... stefna þessir vitleysingjar þá að Keflavíkurgöngum gegn sjálfum sér????<

Já, þarna vinna þeir á hvolfi eins og í öðru.  En tókuð þið eftir þessu í næstsíðasta pistli? 

>Nú hefur Steingrímur afhent stafsmönnum Landsbankans 1.45% hlut í bankanum, og virði þess er talið ca. 3 miljarðar.

Nú er spurt hvernig stenst þetta 72.gr. stjórnarskrárinnar?

"þarf til þess lagafyrirmæli og komi fullt verð fyrir"<

Halldór Guðmundsson (IP-tala skráð) 17.5.2012 kl. 19:58

[Kolbrún Hilmars, 19.5.2012 kl. 16:22]

"Ísland úr Nató og herinn burt" var slagorðið á mínum sokkabandsárum. Nú er herinn farinn og Varsjárbandalagið að mestu gengið í ESB og/eða Nató.

Hvað er þá annað til ráða en að bjóða AGS velkomið og ganga svo í ESB? Þannig má efna til áratuga gönguferða undir fánanum "Ísland úr ESB og AGS burt"

Þýðir lítið að reka pólitík sem á sér enga hugsjón...