Bakhjarl Samfylkingar í vondum málum

Samtök iðnaðarins fjármögnuðu áróður fyrir stefnu Samfylkingar um að Ísland yrði aðil að Evrópusambandinu. Bæði stunduðu samtökin útgáfustarf og efndu til funda að mæra Evrópusambandið og réðu samfylkingarfólk í vinnu við að reka ESB-áróður. Jón Steindór Valdimarsson fór beint úr forstjórastarfi hjá Samtökum iðnaðarins í forystu fyrir félagsskap ESB-sinna.

Þegar tæp 70 prósent fyrirtækja inna Samtaka iðnaðarins eru á móti aðild Íslands að Evrópusambandinu er kannski tímabært að samtökin afturkalli formlega stuðning sinn við sértrúarsamtökin er kallast Samfylking.

Samtök iðnaðarins geta ekki rekið stjórnmálastefnu í óþökk aðildarfélaga.

Iðnaðurinn á móti aðild að ESB

Athugasemdir

[Helga Kristjánsdóttir, 29.3.2012 kl. 14:41]

Allt undirlagt af áróðri Samfylkingar,meðan við enn höfðum veikan mátt, að skynja rétt. Mál til komið að spyrna við.

[Gunnlaugur I., 29.3.2012 kl. 15:25]

Eitt síðasta vígi ESB trúboðsins er nú kolfallið !

Stjórn Samtaka Iðnaðarins hlýtur nú að taka þetta alvarlega og stokka upp og snúa við blaðinu og hefja öfluga baráttu gegn ESB aðild !

Könnunnin er fyllilega marktæk því að af um 1400 fyrirtækjum í SI svöruðu 374 eða 26,7% og niðurstöðurnar eru mjög afgerandi gegn ESB aðild meira en 2/3 eru andvígir ESB aðild !

[Sleggjan og Hvellurinn, 29.3.2012 kl. 15:59]

Hver er framtíðarsýnin í gjaldmiðlismálum?

Höft?

[Kolbrún Hilmars, 29.3.2012 kl. 16:24]

Höft þangað til einhver mannar sig upp í að setja lög um skatt á fjármagnsflutninga.

Þeir eru meira að segja að velta slíkri skattlagningu fyrir sér þarna suður í draumalandinu. Áður en síðasta centið flýr til Sviss eða City.

[Kriatján Þorgeir Magnússon (IP-tala skráð) 29.3.2012 kl. 16:32]

Gunnlaugur. Ekki veit ég hvert svarhlutfallið var í umræddri könnun, hef aðeins tölurnar sem þú birtir. Til að niðurstaða könnunar sé marktæk, þarf svarhlutfallið að ná u.þ.b. 70%

26,7% svarhlutfall er langt frá þvi að vera marktækt, því miður.

Beztu kveðjur

[Sigurður (IP-tala skráð) 29.3.2012 kl. 22:12]

Kristján Þorgeir segist ekki vita svarhlutfall. Ég fylgi krækju Páls á fréttina, sem hann er að skrifa um. Þar stendur: "Úrtakið var 593. 374 svöruðu og var svarhlutfall því 63,1%." Það er hærra hlutfall en algengast er að sjá hérlendis. Ef Kristján Þorgeir vill hafa hlutfallið í þessari könnun 70%, þá hann um það, en hann er ekki að lýsa viðurkenndu stærðfræðilögmáli eða almennum starfsreglum í faginu.

Í fréttinni segir líka: "Könnunin var gerð meðal félagsmanna í Samtökum iðnaðarins dagana 12. janúar - 7. febrúar." Í dag er 29. marz. Sjö vikur. Þetta hefur greinilega verið erfið fæðing. Var svona sárt að kannast við þessa vísbendingu um óþægilegar skoðanir félagsmanna?

[Ásthildur Cesil Þórðardóttir, 29.3.2012 kl. 22:49]

ég er ánægð með þessa niðurstöðu.  Vonandi getum við nú lagt þessa vá að baki okkur. 

[hrafnafloki (IP-tala skráð) 29.3.2012 kl. 23:06]

Lýsing á rannsókn

Unnið fyrir Samtök iðnaðarins

Markmið Að kanna viðhorf félagsmanna SI til ESB, Evrunnar og Samtaka iðnaðarins

Framkvæmdartími 12. janúar - 7. febrúar 2012

Aðferð Net- og símakönnun. Slóð að könnun var send með tölvupósti á þá aðila í úrtaki sem voru með skráð

netfang. Hringt var í þá sem ekki voru með netföng, sem og í þá sem ekki svöruðu á neti innan

ákveðins tíma og þeim boðið að svara í síma

Úrtak 593 úr félagaskrá Samtaka iðnaðarins

Verknúmer 4021656

Stærð úrtaks og svörun

Úrtak 593

Svara ekki 219

Fjöldi svarenda 374

Svarhlutfall 63,1%

Lágt svarhlutfall þýðir að óvissa og vikmörk verða hærri en ella. Það er ekki hægt að reikna út nákvæmar tölur heldur verða menn að átta sig á þróun eða vísbendingum. Þær eru nokkuð ljósar.