Siðlausir stjórnmálamenn reka embættismann

Guðlaugur Þór Þórðarson þingmaður Sjálfstæðisflokksins kom fram í fjölmiðlum og gaf blessun sína á brottrekstur Gunnars Andersen forstjóra Fjármálaeftirlitsins. Guðlaugur þessi tók að sér í verktöku fyrir útrásarglæpamenn að koma frá völdum Birni Bjarnasyni dómsmálaráðherra sem stóð upp í hárinu á Baugsveldinu.

Þegar Steingrímur J. Sigfússon allsherjarráðherra fékk Guðlaug í bandalag með sér gegn forstjóra Fjármálaeftirlitsins lét hann til skarar skríða í gær og rak Gunnar. Fingraför Steingríms á ákvörðun stjórnar Fjármálaeftirlitsins komu fram með sérstakri stuðningsyfirlýsingu frá ráðuneytinu. Steingrímur J. vill losna við Gunnar til að eiga frjálsari hendur með ráðstöfun Fjármálaeftirlitsins.

Guðlaugur er stjórnmálamaður með allt niðurum sig pólitískt og persónulega frá samkrullinu við útrásarhyskið. Guðlaugur óttast að upplýsingar um fjármál sín verði gerðar opinberar. Með því að bera það á forstjóra Fjármálaeftirlitsins að hann hafi ,,njósnað" um sig er Guðlaugur að koma sér í þægilegt sæti fórnarlambsins. Guðlaugur kann pólitík og lá við að maður snökti að sjá hann í Sjónvarpinu í gær vælandi um að vera ofsóttur fyrir að gæta hagsmuna almennings.

Guðlaugur berst fyrir pólitísku lífi sínu en á enn víða samherja. Til dæmis skrifar samherji hans til margra ára, Ólafur Stephensen ritstjóri Fréttablaðsins, leiðara í dag Guðlaugi til stuðnings.

Bandalag Guðlaugs og Steingríms J. gegn opinberum embættismanni er samsæri gegn almannahagsmunum.

Búið að ákveða fyrir löngu

Athugasemdir

[valli (IP-tala skráð) 2.3.2012 kl. 07:50]

Páll, ég er ekki viss um að Steingrímur hafi viljað láta reka Gunnar. Ástráður Haraldsson var fenginn til að segja álit sitt á því hvort Gunnar væri hæfur og mat svo að svo væri, en hins vegar kom hann með huglægt mat um hvort hann væri hæfur sökum meints verknaðar frá því hann var í Landsbankanum. Síðan er Gunnari vísað úr starfi og allt verður vitlaust milli Vg og Gunnars. Ástráður fer síðan að skrifa um að erfitt væri að finna álíka hæfan mann og Gunnar og flestir væru með eitthvað á bakinu o.s.f.

En fyrst að stjórn FME er búinn að gefa það út að Gunnar hefði aldrei verið ráðinn ef þau hefðu vitað meira um hann og að hann hefði heldur ekki það sem krafist var, þá fyndist manni lang æskilegast að skoða þau mál sem að FME á að fylgjast með og skoða endurreisn nýju bankanna og vafasama yfirtöku sparisjóðanna.

[Ingibjörg Guðrún Magnúsdóttir, 2.3.2012 kl. 07:59]

Valli mér finnst mjög mikilvægt að rannsókn á yfirtöku Sparisjóðanna fari fram vegna þess að þar virðast menn hafa leikið sér rétt fyrir yfirtöku og grætt tugi milljóna eins og við höfum fengið að heyra í fréttum að Össur Skarphéðinsson og Árni Þór Sigurðsson hafi gert...

[Bjarni Gunnlaugur (IP-tala skráð) 2.3.2012 kl. 08:32]

Svona baktjalda og leynimakk grefur undan trausti í samfélaginu. Samsæriskenningarnar blómstra. Er Steingrímur á bak við þetta?Össur og Árni Þór? Er þetta kanski Vilhjálmur Þorsteinsson höfuðkrati og viðskiftafélagi Björgúlfs Thors sem er að toga í spotta?  Listinn gæti verið ansi langur. Bölvað ástand.

[Hilmar (IP-tala skráð) 2.3.2012 kl. 08:49]

Það er orðið ljóst, að ekki er nóg að lögreglan hafi efnahgsbrotadeild, fíkniefnadeild, kynferðisbrotadeild o.sv.frv., heldur þarf að bæta við pólitískri spillingardeild.

Við verðum að fara að átta okkur á því, að pólitísk spilling er glæpur.

Það er kannski ekki fráleitt að bera stjórnmálaflokkana saman við Hells Angels og Banditos.

[Elín Sigurðardóttir (IP-tala skráð) 2.3.2012 kl. 08:55]

Hvernig tekst þér að klína Baugsstimpli á þetta? Þetta tengist Landsbankanum. Og Davíð búinn að þramma með baukinn sinn út um allan bæ. Hann verður að fara af stað aftur með baukinn maðurinn. Þramma eitthvað með hann út í móa.

[Þorgeir Ragnarsson (IP-tala skráð) 2.3.2012 kl. 09:43]

"valli", sem einnig gengur stundum undir nafninu "Haukur Kristinsson" í athugasemdakerfum kemur fyrir eins og varðhundur þeirra afla sem vilja losna við embættismanninn, sendur úr af örkinni til þess að "skapa jafnvægi" í umræðum á netinu.

"valli" þarf að útskýra dálítið betur þessa "move on and forget it" afstöðu sína varðandi þetta mál og ætti ekki að hrósa sigri áður en dómsniðurstöður fást í málinu.

Það eitt að Guðlaugur Þór hafi dúkkað uppi sem sakleysið uppmálað í fjölmiðlum í tengslum við málið er ástæða til efasemda um að andstæðingar Gunnars hafi látið allt uppi.

[Anna Sigríður Guðmundsdóttir, 2.3.2012 kl. 10:17]

Bankaleynd er stórhættuleg. Hún verndar fjárglæframenn innan bankanna. Þetta mál er afleiðing bankaleyndarinnar, eins og allt fjármálaklúðrið og ránin í heild sinni!

Er einhverjum sem finnst eðlilegt að fjármálaeftirlitið (Gunnar Andersen) megi ekki rannsaka bankana, vegna bankaleyndar? Ef einhverjum finnst það eðlilegt, þá ætti sá hinn sami að láta athuga siðferðis-heilsuna sína.

Ég styð Gunnar Andersen heilshugar, og það ætti almenningur að hafa hreinlyndi og heiðarleika til að gera líka, það er að segja ef fólk vill búa í siðuðu og mannúðlegu samfélagi! Fólk á ekki skilið réttlæti, ef það styður óréttlæti!

M.b.kv.

[joi (IP-tala skráð) 2.3.2012 kl. 22:57]

Hvernig ætli gangi með rannsókn Sparisjóðanna? það heyrist voðalega lítið af þessu. Hvernig stóð á að farið var svona seint af stað með rannsóknina? Getur það verið vegna mistaka fjármálaráðherrans að pumpa inn á SPKEF peningum sem voru síðan glataðir fyrir ríkið? Eru þingmönnum sem seldu bréfin sín í SPRON á gráa markaðinum illa við að rifja þau kaup upp? Sérstaklega náunganum sem sagði í rannsóknarskýrslu alþingis að hann hefði ekki "Hundstvit á business"? Líklega fást aldrei svör við þessu. Samfylking er búin að stroka þetta allt út.

[Elín Sigurðardóttir (IP-tala skráð) 3.3.2012 kl. 09:09]

Samfylkingin annað hvort liggur á meltunni eða bíður eftir tuggunni - rétt eins og allar hinar flokksafæturnar.

[Sigruður (IP-tala skráð) 3.3.2012 kl. 12:27]

Ég skil ekki, hvernig Guðlaugur Þór blandaðist inn í þetta mál. Kannski er hann órétti beittur. Kannski er hann með snjallari þingmönnum. En gagnvart mér er málið einfalt: Ég kýs ekki Baugsdindla, hversu ofsóttir eða snjallir sem þeir kunna að vera.

Finraför Steingríms J. Sigfússonar sjást greinilega, eins og Páll bendir á. Ég veit ekki, hvort Gunnar verðskuldar ávítur eða spark. Þekki hann ekki eða störf hans. En það fer að verða dálítið þreytandi, hvernig ráðherrar þessarar stjórnar víkja frá venjulegum starfsháttum til að ná sér niðri á embættismönnum. Sem oft tekst. En ekki alltaf, samanber aðför Álfheiðar Ingadóttur að Steingrími Ara Arasyni. Þá geigaði spark hennar óvart og lenti í ríkisendurskoðanda, sem tók því ekki vel, og Álfheiður kom úr þeirri sjóferð með öngulinn í rassinum.

[Jonsi (IP-tala skráð) 3.3.2012 kl. 20:30]

Ekki sé ég að Steingrímur og Guðlaugur geti unnið saman að samsæri !!??   Þeir hafa engin sameiginleg markmið til samsæris um.

Ég held að Steingrímur sé að tefla einfaldlega mjög öruggt tafl, þar sem hann veit að ef eitthvað gruggugt er í Gunnari, FME og hjá Guðlaugi og Landbankanum, þá eru þessir aðilar að er virðist að vinna andskoti vel í því að grafa beinagrindurnar sínur upp á yfirborðið -- og allir geta þá dæmt, og hvergi hefur Steingrímur sagt annað en að hann geti ekki annað en treyst FME þar til annað sannist :)