Kverúlantaráðið, viðundrin á alþingi og forsetinn

Búsáhaldarbyltingarseggurinn Þór Saari seldi stuðning sinn við ríkisstjórn Jóhönnu Sig. því verði að umboðslaust kverúlantaráð fengi veiðileyfi á stjórnarskrá lýðveldisins. Viðundrin á alþingi sem samþykktu tillögu Þórs eru að  búa til stjórnskipunarkreppu sem ekki mun sjá fyrir endann á.

Engin rök standa til þess að stjórnarskrá lýðveldisins sé orsök hrunsins. Niðurrifsöfl í samfélaginu ætla sér á hinn bóginn að nota hrunið sem skálkaskjól fyrir atlögu að stjórnarskránni.

Viðundrin á alþingi, Þór Saari og vinstriflokkarnir, ætla að undangengnum fundi kverúlantaráðsins að efna til þjóðaratkvæðis um nýja stjórnarskrá. Þjóðaratkvæðagreiðslan á að fara fram samhliða forsetakosningum.

Bandalag þeirra sem vilja verja stjórnarskrána fyrir atlögu öfgahópa mun leita til forsetans, Ólafs Ragnars Grímssonar, um forystu gegn stjórnleysinu.

 

Þingið brást stjórnlagaráði

Athugasemdir

[Elín Sigurðardóttir (IP-tala skráð) 23.2.2012 kl. 09:40]

Heldur kýs ég stjórnleysi en óstjórn og spillingu.

[Sleggjan og Hvellurinn, 23.2.2012 kl. 10:32]

Flestir Íslendingar vilja betri stjórnarskrá

Sem er löngu orðin úrelt.

[Elle_, 23.2.2012 kl. 12:15]

Stjórnarskráin er ekki úrelt.  Sigurður Líndal lagaprófessor sagði ekki fyrir löngu að ný stjórnarskrá væri óþörf.  Vandamálið er að Jóhanna og co. og Steingrímur og nokkrir í hans klíku valta yfir lög og stjórnarskrá.  Það á að skipta um stjórnarflokkana, EKKI STJÓRNASKRÁNA. 

[Sleggjan og Hvellurinn, 23.2.2012 kl. 12:54]

Þó að einn maður fílar gamla drullu þá er það ekki heilagur sannleikur.

[Elle_, 23.2.2012 kl. 15:31]

Stjórnarskrána má endurskoða en er ekki ónýt og óþarfi að fara út í öfgar og kasta öllu út eins og ónýtu drasli.  Og þú getur kallað það ´drullu´ ef þú endilega vilt.  Stjórnarflokkarnir eru ónýtir og ætti að kasta þeim.

[Skúli (IP-tala skráð) 23.2.2012 kl. 20:16]

Væntanlega myndi Páll aldrei kalla Sjálfstæðismenn eða Framsóknarmenn viðundur...

[Helgi (IP-tala skráð) 23.2.2012 kl. 22:58]

Sæll.

Það er miklu nær að fara fyrst eftir stjórnarskránni en breyta henni.

Vandinn við okkar stjórnmálalíf er að fólk fagnar nýjum framboðum þó gömul og slæm hugmyndafræði standi að baki þeim. Ég hef ekki hugmynd um hvað Hreyfingin stendur en finnst oft bullið standa út úr Þór Saari.

Vandi Vesturlanda er ofvaxinn opinber geiri sem sogar alla orku úr einkageiranum sem skapar verðmæti og hálaunastörf. Hrunið varð til fyrir tilstilli Seðlabanka heimsins og Hayek sýndi fram á það fyrir næstum 40 árum og fékk fyrir það Nóbelinn (1974) í hagfræði. Kreppan sem við erum í núna gæti verið að baki eftir 18-24 mánuði ef réttum aðferðum er beitt á hana, við höfum líka söguleg dæmi um hvernig á að snúa niður kreppur. Hvaða blaðamaður eða þingmaður veit þetta?

[Guðmundur Ásgeirsson, 24.2.2012 kl. 03:30]

Það eina sem vantar í (gömlu) stjórnarskránna eru ákvæði um beint lýðræði, þannig að frumkvæði að lagasetningu geti komið frá fólkinu.

Restina getum við svo gert sjálf takk.