Dómstólarnir virka í almannaþágu

Hæstiréttur stóðst prófið og dæmdi samkvæmt réttum lögum í tveim málum í vikunni; vaxtamáli alþýðufólks og máli Baldurs Guðlaugssonar sem nýtti sér innherjaupplýsingar í verðbréfaviðskiptum.

Í máli Baldurs stóðst Hæstiréttur áhlaup auðmanna og meðhlaupara þeirra úr lögmannastétt sem freistuðu þess í víðtæku bandalagi hrunverja að veita sakborningum í útrásarmálum allsherjaruppgjöf saka.

Hæstiréttur virkar.

Niðurstaðan mikil vonbrigði

Athugasemdir

[Gunnar Th. Gunnarsson, 17.2.2012 kl. 15:10]

Þorði Hæstiréttur nokkuð öðru en að staðfesta dóminn?

Hin heilaga þrenning... hinir andlegu þríburar, Smugan, DV og RUV voru fyrir löngu búin að dæma í málinu. Baldur átti ekki séns þó hann væri saklaus.

(Sem ég er ekki að segja að hann hafi verið)

[Dexter Morgan, 17.2.2012 kl. 15:15]

Já, þetta gefur manni smá von um réttlæti. En Baldur er bara smápeð í þessum gjörningum, það liggur miklu meira undir, annarsstaðar. Sem vonandi verður tekið á sem allra fyrst. En núna sér maður alveg á kristaltæru hvers vegna auðvaldið var að planta "sínum" mönnum inn í Hæstarétt. "Innmúraðir" eiga auðvita að gæta "réttar" auðvaldsins. Og hann bregst ekki með sínu "séráliti". Hlægilegt, svo ekki sé meira sagt.

[Árni Gunnarsson, 17.2.2012 kl. 15:39]

Var þá eitthvað óljóst varðandi sakarefni í þessu máli?

Hvað er átt við með innherjaupplýsingum?

Mér finnst mikill óþefur af þessu séráliti rétt eins og mér fannst mikill óþefur af skipan álitsgjafans.

Það er langsótt að tengja samfélagsumræðu í þessu máli við fjölmiðla.

Getur ekki hugsast að þjóðin sé fær um að mynda sér skoðanir hjálparlaust ef mál liggja ljóst fyrir?

Raunalegt þegar illspár rætast.

[Grímur (IP-tala skráð) 17.2.2012 kl. 15:50]

Allir sem seldu verða teknir til athugunar.

 Opinberir starfsmenn munu í framtíðinni  hafna því að taka verkefni að sér sem hugsanlega bindur hendur þeirra við að ráðstafa eigum sínum.

[Tommi (IP-tala skráð) 17.2.2012 kl. 17:00]

Það er löngu kominn tími á það að rannsaka samráðshópinn um fjármálastöðugleika en hann var stofnaður 21 febrúar 2006 af forsætisráðuneyti fjármálaráðuneyti, efnahags-og viðskiptaráðuneyti Seðlabanka og FME þarna sátu menn frá öllum þessum stofnum og það eru ekkert til nema fundargerðardrög en það gæti þýtt að þeir sem sátu þessa fundi og þeir sem að voru yfir þessum embættum og stofnunum geta verið persónulega ábyrgir að einhverju leyti.

[Gunnar Th. Gunnarsson, 17.2.2012 kl. 17:01]

Hefurðu kynnt þér dóminn, Dexter og hvernig sér álitið er rökstutt?

Ég hef reyndar ekki gert það en mér segir svo hugur að það hafi snúist um það að sekt Baldurs sé ekki hafið yfir allan vafa. Það er ekkert hlægilegt við slík sjónarmið í réttarríki.

[Sigurður (IP-tala skráð) 18.2.2012 kl. 02:28]

Sérálitið er langt, og mér finnst það eftir fljótlegan lestur athyglisvert en ekki, eins og einn hér að framan segir, hlægilegt. Við höfum séð ýmsar úrlausnir í alvarlegum fjármunasökum, til dæmis frávísun, sýknu, sakfellingu án refsingar eða smálegan skilorðsdóm. Héraðsdómur Reykjavíkur og Hæstiréttur Íslands endurvinna sér ekki traust hjá mér með dómum sínum yfir Baldri. Því fer víðs fjarri. Það gerist annað hvort seint eða aldrei.