Fjölmyntakerfi

Ísland gæti tekið upp fjölmyntakerfi þar sem viðurkenndur lögeyrir hér á landi væri fleiri en ein mynt, t.d. króna, dollar, evra og norsk króna. Þar með fengi íslenska krónan samkeppni á heimavelli og fæli í sér að ríkisstjórn og Seðlabanka yrðu að halda vöxtum og gengi krónunnar í jafnvægi.

Í fjölmyntakerfi mætti gera kjarasamninga í viðurkenndum lögeyri og verðmerkingar skyldu vera í minnst tveim myntum.

Fjölmyntakerfi byði heim erlendum bönkum að starfa hér á landi og þar með yrði einhver vísir að heilbrigðri samkeppni á fjármálamarkaði.

Samanburður við Ísland nú af hinu góða

Athugasemdir

[Gullvagninn (IP-tala skráð) 1.2.2012 kl. 22:48]

Þetta er góð hugmynd, við þurfum ekki einu sinni að kasta krónunni, né fá þessar myntir í veskin okkar, bara tengja gengi gömlu ISK við þessa myntkörfu.  Þá má líka gera verðtrygginguna ólöglega, því allt er sjálfkrafa verðtryggt, laun, verðlag og skuldir.

[Sigurður (IP-tala skráð) 1.2.2012 kl. 23:14]

Gott mál, Páll.

[Helga Kristjánsdóttir, 2.2.2012 kl. 02:34]

Fjöl! hvað? Já mynt og kvæni,stjórnin er með fjölráðuneyti, ha er fjör, þú ert nú ekki við eina fjölina felldur Páll,ég er nú ekki neinn engill heldur. Slá öllu upp í kæruleysi og fjölefli. Sorry, miðnæturdjók.

[Sleggjan og Hvellurinn, 2.2.2012 kl. 09:16]

LOL!!

[Ómar Bjarki Kristjánsson, 2.2.2012 kl. 11:50]

það verður seint sagt að sjallafrjálshyggjuguttarnir reiði vitið í þverpokum eins og sést á þessum ríkisstyrkta pistli.

[Geirmundur Orri Sigurðsson (IP-tala skráð) 2.2.2012 kl. 11:58]

Hvað með allan sparnaðinn af því að leggja niður ISK (Seðlabankinn, myntslátt o.s.frv.) Þetta er góð hugmynd en við þurfum ekki ISK. Hugsanlega mætti slá gull ISK (GIK) ódýrt (engan seðlabanka og yfirbyggingu).

[Guðmundur Ásgeirsson, 3.2.2012 kl. 05:39]

Hér er afar merkileg umræða að eiga sér stað.