Jón Ásgeir er saklaus afbrotamaður

Jón Ásgeir Jóhannesson fyrrum Baugsstjóri er sakfelldur í fimm liðum í skattahluta Baugsmálsins og var áður dæmdur í móðurmáli Baugs.  Jón Ásgeir kveðst saklaus af öllum ákæruliðum.

Með saklausan afbrotaferill og frestun fullnustu á dómum ætti Jóni Ásgeiri að vera allir vegir færir, að minnsta kosti þangað til sérstakur saksóknari sendir jólakort til vina og kunningja.

Margsannað sakleysi Jóns Ásgeirs hlýtur að afla honum bakhjarla til að hann geti stundað saklaus viðskipti hjá sekri þjóð.

 

Sakfelldur í fimm liðum

Athugasemdir

[þór (IP-tala skráð) 10.12.2011 kl. 11:38]

Miðað við Borgarnessræðuna mun Samfó. greiða honum sanngirnisbætur

[Kolbrún Hilmars, 10.12.2011 kl. 17:00]

Svona dómar hljóta að vera fordæmisgefandi. Boða gott þeim sem hyggja á skattaundanskot allrahanda í framtíðinni. Gott ef einhverjir þegar dæmdir fyrir sömu eða minni brot munu ekki krefjast endurupptöku sinna mála. Jafnvel skaðabóta!

[Halldór Jónsson, 10.12.2011 kl. 20:06]

Jón ásgeir skrifar lipurlega grein í Frétablaðið í dag. Pilturinn hefur ýmsa hæfileika, svo mikið er vist.

[Helgi (IP-tala skráð) 11.12.2011 kl. 14:54]

Sæll.

Ég held nú að Jón Ásgeir ætti að þakka saksóknara að ekki fór verr enda hans málatilbúnaður allur ein hrákasmíð - eins og oft áður skilst mér! Við þurfum menn í svona embætti sem geta komið skammlausri ákæru frá sér þegar hrunmálin koma til kasta dómstóla.