Sterkt Ísland, ónýt ríkisstjórn og enn verra ESB

Hagvöxtur er á Íslandi en annars er samdráttur á Vesturlöndum og fullveðja kreppa í Evrópusambandinu. Þrátt fyrir efnahagskerfi í uppsveiflu er ríkisstjórnin ónýt; býr við eins atkvæðis meirihluta á alþingi og getur ekki komið sér saman um nokkurn skapaðan hlut.

Brussel er ástæðan fyrir ömurlegri stöðu ríkisstjórnarinnar þrátt fyrir glæsilegt efnahagskerfi. Aðalmarkmið ríkisstjórnar Jóhönnu Sigurðardóttur var að koma Íslandi í Evrópusambandið.

Evrópusambandið er að liðast í sundur. Bréf Merkel og Sarkozy til van Rompy staðfestir að ef á annað borð tekst að bjarga evrunni mun ESB klofna í evruland kjarnaríkja og tíu utanáliggjandi ríki sem taka ekki upp evru og prísa sig sæl.

Mestar líkur eru þó á að ekki takist að bjarga evrunni og þá stutt í endalok Evrópusambandsins.

Ekkert efnahagsundur á Íslandi fær bjargað aðildarsinnum í Samfylkingu og Vinstri grænum frá því að þurfa standa skil gerða sinna. Umsóknin um aðild Íslands að Evrópusambandinu eru stærstu afglöp seinni tíma stjórnmálasögu.

Ekki séð rök fyrir sameiningu

Athugasemdir

[Pakkasníkir (IP-tala skráð) 8.12.2011 kl. 09:57]

Svo er esb að huxa um að auka makrílkvóta vorn úr 3 í 4% eftir að í ljós kom að stofninn er hálft árið á beit hér. Segið svo að það sé ekkert í pakkanum!

[Kristján B Kristinsson (IP-tala skráð) 8.12.2011 kl. 10:19]

Góður Pakkasníkir. Verst hvernig þetta ESB gönuhlaup sundrar ríkisstjórninni og gerir hana vanmáttuga til að takast á við okkar raunverulegu vandamál sem eru sennilega nokkuð auðleysanleg.

[Tómas Ibsen Halldórsson, 8.12.2011 kl. 10:37]

Við göngum væntanlega inn í ESB þegar það er að hruni komið og tökum upp Evruna þegar hún hefur liðið undir lok.