ESB-allsherjarhrun eða A- og B-deild

Evrópusambandið stendur frammi fyrir hruni, gangi það fram að evru-samstarfið líði undir lok. Ef stóru Evrópusambandsríkjunum, Frakklandi og Þýskalandi, tekst að bjarga einhverjum hluta evru-samstarfsins verður til A-deild og B-deild Evrópusambandsins.

Í A-deild yrðu Frakkar, Þjóðverjar, Finnar, Austurríkismenn og Hollendingar.

Í B-deild allir hinir.

Ísland á heima í hvorugri deildinni.

Leggi niður viðræður við ESB

Athugasemdir

[Dexter Morgan, 28.11.2011 kl. 15:08]

Það sannast hið fornkveðna: "Byltinginn étur börnin sín innan frá". Maður getur ekki annað en fagnað því að sjá þetta ESB skrímsli engjast upp og drepast, vegna innvortis meina. Maður ætti kannski að fara að kæla Kampavínið...

[Guðmundur 2. Gunnarsson (IP-tala skráð) 28.11.2011 kl. 15:26]

Mér skilst á öllum ESB - einangrunarsinnum að Ísland yrði yfir öllum öðrum ESB ríkjunum hafið, eitt í úrvalsflokki og það eitt með að senda inn inngöngubeðnina á sínum tíma.  Öll lög og reglur ESB yrðu aðlagaðar okkar lögum og kröfum.

.

[Helga Kristjánsdóttir, 28.11.2011 kl. 16:08]

   Miklir erum vér landar,það hentaði okkur ekkert minna en úrvalsflokkur,líklega vegna, en ekki þrátt fyrir skjátudilkinn,alræmda.

[Jón Steinar Ragnarsson, 28.11.2011 kl. 17:04]

Ég er nokkuð viss um að ESB leggur nú hart að Össuri að halda umsókninni til streitu. Það myndi ekki hljóma vel nú, né væri það markaðsvænt að fá fyrirsagnir á borð við: Iceland pulls out of EU negotiations.

Slíkt yrði ekki litið hýru auga í Brussel. Ástæðan fyrir því að við erum enn í þessu strögli þvert ofan í alla skynsemi og rök er ímyndarlegs eðlis frá bæjardyrum ESB. Össur hefur raunar í svo mörgum orðum sagt að svo sé.

[Gunnar Rögnvaldsson, 28.11.2011 kl. 17:08]

Það er víst óþarft að taka það fram að Páll á við að það séu yfirleitt sjálf upphækkuð stjórnvöld í ofangreindum löndum sem ef til vill, hugsanlega og kannski hafa áhuga á þessum liðssafnaði í lið A,B,C og svo framvegis inni á elítuverkstæði Evrópusambandsins.

Almenningur í þessum löndum hefur hins vegar lítinn sem engan áhuga á evru, og hefur aldrei haft frá upphafi. Evran er fyrst og fremst óskabarn ESB-elítunnar. Hún hefur reynst fólkinu ömurlega. 

Í þessum löndum fer almenningur bara í Zetuliðið. Þannig virkar lýðræði í ESB. 

Og mikið er ég sammála Páli. Ísland á ekki heima í liðsveitum ESB-elítunnar.

[Jón Steinar Ragnarsson, 28.11.2011 kl. 18:17]

Í útópíu elítunnar er ekki gert ráð fyrir skoðunum og vilja almennings í löndunum sem um ræðir. Eins og landið liggur nú, þá er eina leiðin til að koma draumnum á leiðarenda að berja niður alla andstöðu með ofbeldi, afnema lýðræði og koma á fót lögregluríki.  Verði þeim að góðu að framfylgja því.

Ríkjablokkir A-B-C osfr er ekki málið. Það þarf að splitta Evrunni upp í 17 einingar, hverja með sitt gengi. Menn geta bara yfirprentað þær Evrur sem eru í umferð í löndunum með Evru A-B-C etc. og hugsað svo síðar um að breyta nafni þeirra í nafn gömlu myntarinnar þegar þessu fylleríi bráir af.